ນາງ ມາກາເຣັດ ຊານ ຜູ້ອຳນວຍການອົງການອະນາໄມໂລກກວ່າວານນີ້ວ່າ ການທີ່ເຊື້ອໄວຣັສຊີກາຊຶ່ງມີຍຸງເປັນພາຫະເກີດການລະບາດຈົນກາຍເປັນວິກິດການຮຸນແຮງໃນຫຼາຍປະເທດນັ້ນ ເປັນຜົນສືບເນື່ອງມາຈາກຄວາມລົ້ມເຫຼວທາງດ້ານນະໂຍບາຍເລື່ອງການຄວບຄຸມຍຸງພາຫະນຳພະຍາດ ແລະ ບັນຫາການບໍ່ສາມາດເຂົ້າເຖິງບໍລິການດ້ານການວາງແຜນຄວບຄົວແບບທົ່ວເຖິງ ທີ່ເກີດຂຶ້ນມາເປັນເວລາຫຼາຍສິບປີ.
ນາງຊານກ່າວວ່າ ປາໄສໃນພິທີເປີດການປະຊຸມປະຈຳປີຂອງອົງການອະນາໄມໂລກທີ່ນະຄອນຫຼວງເຈນີວາຂອງສະວິດເຊີແລນ ຊຶ່ງມີຜູ້ແທນປະມານ 3.000 ຄົນ ຈາກຊາດສະມາຊິກ 194 ຊາດເຂົ້າຮ່ວມວ່າ ການທີ່ເຊື້ອໄວຣັສຊິກາແພ່ລະບາດຖືກເປັນບົດຮຽນລາຄາແພງຈາກຄວາມລົ້ມເຫຼວດ້ານນະໂຍບາຍໃນການຄວບຄຸມຍຸງພາຫະນຳໂລກຕັ້ງແຕ່ໃນຊ່ວງທົດສະວັດຫຼັງປີ 1970 ຊຶ່ງຄວາມລົ້ມເຫຼວທີ່ເກີດຂຶ້ນເຮັດໃຫ້ເຊື້ອໄວຣັສທີ່ມີຍຸງເປັນພາຫະສາມາດແພ່ກະຈາຍໄດ້ແບບວ່ອງໄວ ແລະ ກໍໃຫ້ເກີດໄພຄຸກຄາມສຳຄັນຕໍ່ສຸຂະອະນາໄມຂອງປະຊາກອນໂລກ ນາງຊານກ່າວວ່າ ປະເທດທີ່ໄດ້ຮັບຜົນກະທົບຮຸນແຮງທີ່ສຸດຈາກການລະບາດຂອງໄວຣັສຊິກາທີ່ເກີດຂຶ້ນນີ້ເປັນປະເທດທີ່ນັບຖືສາສະໜາຄຣິສນິກາຍໂຣມັນຄາທໍລິກທີ່ເຄັ່ງສາສະໜາ ແລະ ການທີ່ບໍ່ສາມາດໃຫ້ບໍລິການດ້ານການວາງແຜນຄອບຄົວຢ່າງທົ່ວເຖິງຈະເຮັດໃຫ້ວິກິດການຮຸນແຮງຂຶ້ນ ຂະນະທີ່ໄວຣັສລະບາດໄປຍັງ 60 ປະເທດທົ່ວໂລກ ມີແມ່ຍິງເປັນຈຳນວນຫຼາຍທີ່ອາດຈະຕ້ອງການເລື່ອນການຕັ້ງຄັນອອກໄປກ່ອນແຕ່ບໍສາມາດເຂົ້າເຖິງການຄຸມກຳເນີດໄດ້ທັງນີ້ ຜູ້ຊ່ຽວຊານເຊື່ອວ່າ ເຊື້ອໄວຣັສຊິກາເຮັດໃຫ້ເດັກນ້ອຍໃນທ້ອງເກີດມາມີຄວາມຜິດປົກກະຕິທາງສະໝອງ ຫຼັງຈາກທີ່ມານດາຕິດເຊື້ອໄວຣັສສິກາແລ້ວ.