spot_img
Homeຂ່າວຕ່າງປະເທດສະ​ວິດເຊີແລນ ​ກຽມ​ເປີດ​ “ອຸ​ໂມງ​ລົດ​ໄຟ​ ຍາວ​ທີ່​ສຸດ​ໃນ​ໂລກ” 1ມິຖຸນາ

ສະ​ວິດເຊີແລນ ​ກຽມ​ເປີດ​ “ອຸ​ໂມງ​ລົດ​ໄຟ​ ຍາວ​ທີ່​ສຸດ​ໃນ​ໂລກ” 1ມິຖຸນາ

Published on

ເມື່ອ​ 17 ປີຜ່ານມາ ການ​ກໍ່ສ້າງ​ອຸ​ໂມງ​ລົດ​ໄຟ​ທີ່​ມີ​ຄວາມ​ຍາວ​ທີ່​ສຸດ​ໃນ​ໂລກ​ໃຈກາງ​ປະ​ເທດ​ສະ​ວິດ​ໄດ້​ເລີ່​ມຂຶ້ນ ​ແລະ ​ໃນ​ວັນ​ທີ 1 ມິຖຸນາ​2015 ຈະ​ເຖິງ​ນີ້ ພວກ​ເຮົາ​ກໍ​ຈະ​ໄດ້​ເຫັນ​ການ​ເປີດ​ຕົວອຸ​ໂມງ“ກອດ​ທາ” ຊຶ່ງ​ຈະ​ກາຍ​ເປັນ​ແລນ​ມາກ​ໃໝ່ທີ່​ດຶງ​ດູດ​ຜູ້​ຄົນ​ໃຫ້​ມາ​ໃຊ້​ບໍລິການ​ລະບົບ​ຂົນ​ສົ່ງ​ສາທາລະນະ​ທີ່​ເຂັ້ມ​ແຂງ​ທີ່​ສຸດ​ແຫ່ງໜຶ່ງຂອງ​ໂລກ.

434f572c20fa286055d12b9cfd6369c2_L

ອຸ​ໂມງ“ກອດ​ທາ”ຈະ​ເຮັດ​ໃຫ້​ປະ​ເທດ​ເພື່ອນ​ບ້ານ, ດິນ​ແດນ​ໃກ້​ຄຽງ ລວມ​ເຖິງ​ເມືອງ​ຕ່າງໆທາງ​ຕອນ​ເໜືອ ​ແລະ ​ໃຕ້​ຂອງ​ພູ​ແອ​ລ​ໄດ້​ໃກ້​ສິດ​ກັນຫຼາຍຂຶ້ນ ​ແລະ ​ເຮັດ​ໃຫ້ການ​ເດີນທາງ​ໂດຍ​ລົດ​ໄຟ​ມີ​ຄວາມ​ວ່ອງ​ໄວ, ງ່າຍ​ດາຍ ​ແລະ ສະດວກ​ສະບາຍ​ກວ່າ​ທີ່​ເຄີຍ ຊຶ່ງ​ໃນ​ວັນ​ທີ 1 ມິຖຸນາ​ຈະ​ເຖິງ​ນີ້ ສະ​ວິດ​ຈະ​ໄດ້​ເປີດ​ອຸ​ໂມງ​ລົດ​ໄຟ​ທີ່​ຍາວ ​ແລະ ​ເລິກ​ທີ່​ສຸດ​ໃນ​ໂລກ​ດ້ວຍ​ຄວາມ​ຍາວ 57 ກິ​ໂລ​ແມັດ ​ແລະ ​ເລິກ​ລົງ​ໄປ​ໃນ​ພູ​“ກອດ​ທາ” ເຖິງ 2.300 ​ແມັດ ອຸ​ໂມງ​ນີ້​ສ້າງ​ຂຶ້ນ​ຕາມ​ຈຸດປະສົງ​ເພື່ອ​ການ​ຄົມມະນາຄົມ​ທີ່​ມີ​ປະສິດທິພາບ ​ແລະ ຢືນ​ຢົງ ​ໂດຍ​ລົດ​ໄຟ​ຄວາມ​ໄວ​ສູງ​ສາມາດ​ເຊື່ອມ​ຕອນ​ເໜືອ ​ແລະ ​ໃຕ້​ຂອງ​ພູ​ແອ​ລ ​ໂດຍ​ໃຊ້​ເວລາ​ພຽງ 17 ນາທີ ຫຍໍ້​ເວລາ​ການ​ເດີນທາງ​ໄດ້​ຢ່າງ​ມະຫາສານ ທັງ​ຍັງ​ຊ່ວຍ​ອຳນວຍ​ຄວາມ​ສະດວກ​ໃຫ້​ກັບ​ລົດ​ໄຟ​ທີ່​ມີ​ຂະ​ບວນຍາວ ​ແລະ ມີ​ນໍ້າໜັກຫຼາຍກວ່າ​ນີ້​ດ້ວຍ.

5882

ຫຼັງຈາກ​ທີ່​ດຳ​ເນີນ​ການ​ກໍ່ສ້າງ​ມາ​ດົນ​ເຖິງ 17 ປີ ບໍລິສັ​ດ Alp Transit Gotthard ຊຶ່ງ​ເປັນ​ຜູ້​ຄວບ​ຄຸມ​ການ​ກໍ່ສ້າງ ກໍ​ສາມາດ​ສົ່ງ​ມອບ​ອຸ​ໂມງ​ທີ່​ສ້າງ​ແລ້ວ​ສົມບູນ​ໃຫ້​ແກ່ການ​ລົດ​ໄຟ​ແຫ່ງ​ປະ​ເທດ​ສະ​ວິດ ( Swiss Federal Railways)  ​ໄດ້​ພາຍ​ໃນ​ເວລາ ​ແລະ ງົບປະມານ​ທີ່​ກຳນົດ​ໄວ້ ​ຊຶ່ງລະບົບ​ຂົນ​ສົ່ງ​ສາທາລະນະ​ຂອງ​ສະ​ວິດ​ທີ່​ເຂັ້ມແຂ​ງທີ່​ສຸດ​ໃນ​ໂລກ​ໄດ້​ຖືກ​ຕື່ມ​ເຕັມ​ໃຫ້​ສົມບູນຂຶ້ນ​ອີກ​ດ້ວຍ​ອຸ​ໂມງ​ທີ່​ຍາວ​ທີ່​ສຸດ​ໃນ​ໂລກ​ແຫ່ງ​ນີ້

58822

ໃນໄລຍະການກໍ່ສ້າງມີຜູ້ເສຍຊີວິດທັງໝົດ 8 ຄົນຈາກອຸບັດຕິເຫັດໃນການກໍ່ສ້າງ ແລະທາງທີມງານໄດ້ເຮັດອານຸສອນໄວ້ເພື່ອເປັນທີ່ລະນຶກ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...