ຖ້າທ່ານເປັນຄົນມັກເຮັດ ວຽກຫຼາຍຈົນບໍ່ຮູ້ຈັກເມື່ອຍ ຕ້ອງ ຟັງທາງນີ້ ເພາະທ່ານກຳລັງສ່ຽງອັນຕະລາຍກັບການເປັນໂລກຫົວ ໃຈໄດ້ ໂດຍນັກວິໄຈຂອງຄະນະ ເວຊສາດການປ້ອງ
ກັນມະຫາວິ ທະຍາໄລແຫ່ງຊາດເຊອູນຂອງ ສ.ເກົາຫຼີ ສຶກສາພົບວ່າ: ຜູ້ທີ່ເຮັດ ວຽກຫຼາຍກວ່າອາທິດລະ 40 ຊົ່ວ ໂມງ ອາດຈະສ່ຽງກັບການເປັນ ໂລກຫຼອດເລືອດຫົວໃຈ ຫຼື ຫຼອດເລືອດຫົວໃຈຕີບຕັນໄດ້ ຊຶ່ງລາຍງານການສຶກສານີ້ໄດ້ຖືກຕີພິມ ເຜີຍແຜ່ໃນວາລະສານ “ເວຊສາດ ອຸດສາຫະກຳອາເມລິກັນ” ໂດຍ ມີລາຍລະອຽດດັ່ງນີ້:
ຜູ້ທີ່ເຮັດວຽກຫຼາຍໄປຄວນຕ້ອງລະວັງເພາະມີໂອກາດທີ່ຈະ ປ່ວຍໂຊເປັນໂລກກ່ຽວກັບຫົວໃຈ ພາຍໃນໄລຍະເວລາບໍ່ເກີນ 10 ປີ ຖ້າທ່ານເຮັດວຽກດົນກວ່າ 61-70 ຊົ່ວໂມງຕໍ່ອາທິດ ຈະມີໂອ ກາດສ່ຽງຕໍ່ການເກີດໂລກພະຍາດດັ່ງກ່າວໃນອັດຕາສູງຂຶ້ນກວ່າປົກ ກະຕິເຖິງ 42% ສ່ວນຜູ້ທີ່ເຮັດວຽກເປັນເວລາ 71 – 80 ຊົ່ວໂມງ ຕໍ່ອາທິດຈະມີໂອກາດສ່ຽງຕໍ່ການ ເກີດໂລກໃນອັດຕາສູງກວ່າປົກ ກະຕິເຖິງ 63 % ແລະຖ້າທ່ານເຮັດ ວຽກເປັນເວລາດົນກວ່າ 80 ຊົ່ວ ໂມງຕໍ່ອາທິດຈະເຂົ້າເຂດອັນຕະ ລາຍ ເພາະມີຄວາມສ່ຽງກັບການເກີດໂລກສູງສຸດເຖິງ 90%.