ອານການຂອງຂອງບາດແຜມີໜອງ ຄື ແຜຈະມາອາການປວດ, ບວມ ແດງອ້ອມໆບາດແຜ ແລະ ຈະມີນ້ຳໜອງເຫຼືອງໄຫລອອກມາຈາກບາດແຜ

ການຮັກສາເບື້ອງຕົ້ນ ສິ່ງທຳອິດທີ່ຕ້ອງເຮັດແມ່ນເຮັດຄວາມສະອາດບາດແຜຕ້ອງເຮັດທຸກວັນ ຫາກແຜມີໜອງຕ້ອງເຮັດຄວາມອາດບາດແຜປະມານວັນລະສອງຄັ້ງ  ຫຼື ຕາມອາການ ອາດມີການໃຊ້ຢາຂ້າເຊື້ອ ຫຼຶ ການໃຊ້ຢາປະຕິຊີວະນະເຂົ້າຊ່ວຍ ເພື່ອໃຫ້ບາດແຜດີໄວຂຶ້ນ.

ການຮັກສາບາດແຜມີໜອງດ້ວຍສະໝຸນໄພ

1. ໃບຜັກໜອກ ນຳໃບຜັກໜອກສົດມາ 1 ກຳມືລ້າງໃຫ້ສະອາດຈາກນັ້ນກໍ່ຕຳໃຫ້ແຫຼກລະອຽດ ແລ້ວນຳມາໃສ່ທີ່ບາດແຜມີໜອງ ຈະຊ່ວຍຮັກສາອາການອັກເສບ ເກີດໜອງ ແລະ ຊ່ວຍໃຫ້ບາດແຜດີໄວຂຶ້ນ

2. ວ່ານຫາງແຂ້ ໃຫ້ເລືອກໂຕແກ່ສູດມາໃຊ້ ແລ້ວນຳມາປອກເປືອກສີຂຽວ ແລະ ລ້າງຢາງອອກໃຫ້ໝົດ ເພາະອາດຈະກໍ່ໃຫ້ເກີດອາການແພ້ ແລະ ລະຄາຍເຄືອງໄດ້ ຫຼັງຈາກນັ້ນຝານເອົາວຸ້ນແຜ່ນບາງໆ ແລ້ວນຳມາໃສ່ບາດແຜ ຈະຊ່ວຍເຮັດໃຫ້ແຜຊ້ຳເຮື້ອໂດຍສະເພາະແຜໄຟໄໝ້ ນ້ຳຮ້ອນລວກ ເມື່ອໃສ່ວ່ານຫາງແຂ້ທີ່ບາດແຜແລ້ວໃຫ້ໃຊ້ຜ້າພັນແຜທີ່ສະອາດພັນທັບ ແລະ ຄວນປ່ຽນໃໝ່ວັນລະ 2 ຄັ້ງ ເຊົ້າ-ແລງ ຈົນກວ່າບາດແຜຈະຫາຍດີ ຈະຊ່ວຍປ້ອງກັນການອັກເສບ ແລະ ຕິດເຊື້ອ

3. ຂິມິ້ນຂຶ້ນ ນຳຂິມິ້ນມາລ້າງດີໆ ແລ້ວຝົນໆ ຈາກນັ້ນກໍ່ນຳໄປທາບາດແຜຈະຊ່ວຍເຮັດໃຫ້ບາດແຜດີໄວ ແລະ ລຶບຮອຍແປ້ວໄດ້

4. ເປືອກໝາກມັງຄຸດ ໂດຍນຳເປືອກໝາກມັງຄຸດສົດ ຫຼື ແຫ້ງ 1-2 ໜ່ວຍ ມາຟັກເປັນຕ່ອນນ້ອຍໆ ແລ້ວນຳໄປຕົ້ມກັບນ້ຳ 1 ລິດ ຕົ້ມໃຫ້ເດືອດ ແລະ ປະໄວ້ 15 ນາທີ ເຕີມເກືອລົງປະມານ 1 ບ່ວງຊາ ແລ້ວນຳມາລ້າງບາດແຜຊ້ຳເຮື້ອ, ບາດແຜມີໜອງຈະຊ່ວຍຂ້າເຊື້ອໂຣກໄດ້ດີ ແລະ ເຮັດໃຫ້ແຜດີໄວ