ພິທີມອບ—ຮັບເຄື່ອງອຸປະກອນຊ່ວຍເຫລືອລ້າສໍາລັບການປ້ອງກັນແລະຄວບຄຸມການລະບາດຂອງຕັກແຕນຝູງໄມ້ປ່ອງລະຫວ່າງລັດຖະບານ ສປປ ລາວແລະ ລັດຖະບານ ສປ ຈີນໄດ້ຈັດຂຶ້ນຢູ່ກະຊວງກະສິກໍາ ແລະ ປ່າໄມ້ໃນ ວັນທີ20 ພຶດສະພານີ້, ເຊິ່ງເປັນຂີດໝາຍທີ່ຈີນໄດ້ມອບເຄື່ອງອຸປະກອນຊ່ວຍເຫລືອລ້າສໍາລັບການປ້ອງກັນ ແລະ ຄວບຄຸມການລະບາດຂອງຕັກແຕນຝູງງວດທໍາອິດໃຫ້ແກ່ລາວຢ່າງເປັນທາງການ, ໂດຍທ່ານກວນຮົວປິງ ເອກອັກຄະລັດຖະທູດຈີນປະຈຳລາວ ແລະ ທ່ານ ລຽນ ກິແກ້ວ ລັດຖະມົນຕີກະຊວງກະສິກໍາ ແລະປ່າໄມ້ລາວໄດ້ຕາງໜ້າສອງຝ່າຍລົງນາມໃນເອກະສານມອບ-ຮັບ.
ເພື່ອຊ່ວຍເຫລືອລັດຖະບານລາວປ້ອງກັນແລະ ຄວບຄຸມການລະບາດຂອງຕັກແຕນທີ່ເກີດຂຶ້ນຢູ່ພາກເໜືອຂອງລາວໃນປີ2015, ໂດຍຜ່ານການປຶກສາຫາລືລະຫວ່າງສອງປະເທດ, ລັດຖະບານຈີນເຫັນດີປະຕິບັດໂຄງການເຄື່ອງອຸປະກອນຊ່ວຍເຫລືອລາວປ້ອງກັນ ແລະ ຄວບຄຸມການລະບາດຂອງຕັກແຕນ, ໂດຍຈີນສະໜອງເຄື່ອງສີດພົ່ນຢາປາບສັດຕູພືດແຮງສູງ,ເຄື່ອງສີດພົ່ນຢາປາບສັດຕູພືດແບບເປ້ຫລັງ,ຢາປາບສັດຕູພືດ, ຊຸດປ້ອງກັນຄົບຊຸດ ແລະ ອື່ນໆ, ນອກຈາກນີ້,ຈີນຍັງຈັດຊຸດຝຶກອົບຮົມກ່ຽວກັບເຕັກນິກປ້ອງກັນ ແລະ ຄວບຄຸມການລະບາດຂອງຕັກແຕນໃຫ້ແກ່ລາວ.
ໂຄງການດັ່ງກາວແມ່ນປະຕິບັດໂດຍບໍລິສັດຂາເຂົ້າຂາອອກເຄື່ອງອຸປະກອນຢູນນານຈໍາກັດ. ເຄື່ອງອຸປະກອນທີ່ກ່ຽວຂ້ອງໄດ້ຂົນສົ່ງໄປຮອດແຂວງຫລວງພະບາງໃນທ້າຍເດືອນມີນາ ປີ2016 ນີ້. ພາຍຫລັງໄດ້ມອບ-ຮັບເຄື່ອງອຸປະກອນແລ້ວ, ລັດຖະບານລາວໄດ້ນໍາໃຊ້ເຂົ້າໃນວຽກງານປ້ອງກັນ ແລະຄວບຄຸມການລະບາດຂອງຕັກແຕນ, ເຊິ່ງໄດ້ຫລຸດຜ່ອນຜົນກະທົບຂອງການລະບາດຂອງຕັກແຕນ.
ການມອບເຄື່ອງອຸປະກອນຊ່ວຍເຫລືອໃນຄັ້ງນີ້, ບໍ່ພຽງແຕ່ໄດ້ຕອບສະໜອງຄວາມຮຽກຮ້ອງຕ້ອງການອັນຮີບດ່ວນຂອງວຽກງານປ້ອງກັນ ແລະ ຄວບຄຸມການລະບາດຂອງຕັກແຕນຂອງລາວເທົ່ານັ້ນ, ຍັງໄດ້ສ້າງພື້ນຖານອັນແໜ້ນແກ່ນໃຫ້ແກ່ການຂະຫຍາຍການຮ່ວມມືດ້ານກະສິກໍາລະຫວ່າງສອງປະເທດລົງສູ່ລວງເລິກ.
ພິທີມອບ—ຮັບເຄື່ອງອຸປະກອນຊ່ວຍເຫລືອລ້າສໍາລັບການປ້ອງກັນແລະຄວບຄຸມການລະບາດຂອງຕັກແຕນຝູງໄມ້ປ່ອງລະຫວ່າງລັດຖະບານ ສປປ ລາວແລະ ລັດຖະບານ ສປ ຈີນໄດ້ຈັດຂຶ້ນຢູ່ກະຊວງກະສິກໍາ ແລະ ປ່າໄມ້ໃນ ວັນທີ20 ພຶດສະພານີ້, ເຊິ່ງເປັນຂີດໝາຍທີ່ຈີນໄດ້ມອບເຄື່ອງອຸປະກອນຊ່ວຍເຫລືອລ້າສໍາລັບການປ້ອງກັນ ແລະ ຄວບຄຸມການລະບາດຂອງຕັກແຕນຝູງງວດທໍາອິດໃຫ້ແກ່ລາວຢ່າງເປັນທາງການ, ໂດຍທ່ານກວນຮົວປິງ ເອກອັກຄະລັດຖະທູດຈີນປະຈຳລາວ ແລະ ທ່ານ ລຽນ ກິແກ້ວ ລັດຖະມົນຕີກະຊວງກະສິກໍາ ແລະປ່າໄມ້ລາວໄດ້ຕາງໜ້າສອງຝ່າຍລົງນາມໃນເອກະສານມອບ-ຮັບ.
ເພື່ອຊ່ວຍເຫລືອລັດຖະບານລາວປ້ອງກັນແລະ ຄວບຄຸມການລະບາດຂອງຕັກແຕນທີ່ເກີດຂຶ້ນຢູ່ພາກເໜືອຂອງລາວໃນປີ2015, ໂດຍຜ່ານການປຶກສາຫາລືລະຫວ່າງສອງປະເທດ, ລັດຖະບານຈີນເຫັນດີປະຕິບັດໂຄງການເຄື່ອງອຸປະກອນຊ່ວຍເຫລືອລາວປ້ອງກັນ ແລະ ຄວບຄຸມການລະບາດຂອງຕັກແຕນ, ໂດຍຈີນສະໜອງເຄື່ອງສີດພົ່ນຢາປາບສັດຕູພືດແຮງສູງ,ເຄື່ອງສີດພົ່ນຢາປາບສັດຕູພືດແບບເປ້ຫລັງ,ຢາປາບສັດຕູພືດ, ຊຸດປ້ອງກັນຄົບຊຸດ ແລະ ອື່ນໆ, ນອກຈາກນີ້,ຈີນຍັງຈັດຊຸດຝຶກອົບຮົມກ່ຽວກັບເຕັກນິກປ້ອງກັນ ແລະ ຄວບຄຸມການລະບາດຂອງຕັກແຕນໃຫ້ແກ່ລາວ.
ໂຄງການດັ່ງກາວແມ່ນປະຕິບັດໂດຍບໍລິສັດຂາເຂົ້າຂາອອກເຄື່ອງອຸປະກອນຢູນນານຈໍາກັດ. ເຄື່ອງອຸປະກອນທີ່ກ່ຽວຂ້ອງໄດ້ຂົນສົ່ງໄປຮອດແຂວງຫລວງພະບາງໃນທ້າຍເດືອນມີນາ ປີ2016 ນີ້. ພາຍຫລັງໄດ້ມອບ-ຮັບເຄື່ອງອຸປະກອນແລ້ວ, ລັດຖະບານລາວໄດ້ນໍາໃຊ້ເຂົ້າໃນວຽກງານປ້ອງກັນ ແລະຄວບຄຸມການລະບາດຂອງຕັກແຕນ, ເຊິ່ງໄດ້ຫລຸດຜ່ອນຜົນກະທົບຂອງການລະບາດຂອງຕັກແຕນ.
ການມອບເຄື່ອງອຸປະກອນຊ່ວຍເຫລືອໃນຄັ້ງນີ້, ບໍ່ພຽງແຕ່ໄດ້ຕອບສະໜອງຄວາມຮຽກຮ້ອງຕ້ອງການອັນຮີບດ່ວນຂອງວຽກງານປ້ອງກັນ ແລະ ຄວບຄຸມການລະບາດຂອງຕັກແຕນຂອງລາວເທົ່ານັ້ນ, ຍັງໄດ້ສ້າງພື້ນຖານອັນແໜ້ນແກ່ນໃຫ້ແກ່ການຂະຫຍາຍການຮ່ວມມືດ້ານກະສິກໍາລະຫວ່າງສອງປະເທດລົງສູ່ລວງເລິກ.
ຂ່າວຈາກ: ສຳນັກຂ່າວສານປະເທດລາວ