ອາການຂອງພາວະເລືອດຈາງ ຜູ້ເປັນເລືອດຈາງຈະມີສີຜິວທີ່ຊີດ ເຫຼືອງ, ເປືອກຕາຊີດ ເປັນຕົ້ນ ນອກຈາກນັ້ນຍັງມັກມີອາການອື່ນໆ ເຊັ່ນ: ເມື່ອຍງ່າຍຜິດປົກກະຕິ, ອ່ອນເພຍ, ໜ້າມືອ, ເປັນວິນເລື້ອຍໆ, ມີຄວາມເມື່ອຍລ້າຂອງສະໝອງ, ອາດມີອາການຫຼົງລືມໄດ້ງ່າຍ ຫຼື ບາງຄົນທີ່ເປັນແຮງອາດເກີດການທຳງານຂອງຫົວໃຈຫລົ້ມເຫລວຈົນໝົດສະຕິໄດ້

ສາເຫດຂອງການເກີດພາວະເລືອດຈາງ ແບ່ງຕາມກົນໄກໄດ້ 2 ສາເຫດຫຼັກດັ່ງນີ້:
1. ການສ້າງເມັດເລືອດແດງໄດ້ໜ້ອຍ ແບ່ງໄດ້ 2 ສາເຫດຍ່ອຍຄື:
1.1 ເກີດຈາກການຂາດສານອາຫານ ໂດຍສະເພາະທາດເຫຼັກ ວິຕາມິນບີ 12 ແລະ ໂຟເລດ ເປັນຕົ້ນ ຈິ່ງມັກພົບໃນຜູ້ທີ່ກິນອາຫານເຈ
1.2 ເກີດຈາກໂຣກທີ່ເກີດຄວາມຜ່ອຍຂອງໄຂກະດູກທີ່ສ້າງເມັດເລືອດ ເຊັ່ນ: ມະເຮັງເມັດເລືອດຂາວ ເປັນຕົ້ນ
2. ສ່ວນອີກກົນໄກໜຶ່ງຄືການສູນເສຍເມັດເລືອດແດງຈາກກະແສເລືອດເຊັ່ນ: ໂຣກທາລັສຊີເມຍ ຫຼື ການສູນເສຍເລືອດຈາກອຸບັດຕິເຫດເປັນຕົ້ນ

ການຮັກສາອາການເບື້ອງຕົ້ນ ຕ້ອງເບິ່ງທີ່ສາເຫດຮ່ວມນຳເຊັ່ນ: ຫາກເກີດຈາກການສ້າງເມັດເລືອດແດງໄດ້ໜ້ອຍ ເພາະຂາດສານອາຫານ ກໍ່ເໜັ້ນກິນອາຫານທີ່ມີທາດເຫຼັກສູງ ຫຼື ເຄື່ອງໃນສັດທີ່ມີໂຟເລດສູງ ຫຼື ຜັກໃບຂຽວທີ່ມີວິຕາມິນບີ 12 ສູງ ເປັນຕົ້ນ ແລະ ສາມາດພົບແພດເພື່ອຮັບຢາບຳລຸງເລືອດມາກິນໄດ້ ແຕ່ຫາກເກີດຈາກພະຍາດທີ່ຜູ້ກ່ຽວເປັນແລ້ວ ຫ້າມຊື້ຢາມາກິນເອງໂດຍເດັດຂາດ ໂດຍສະເພາະໂຣກທາລັສຊີເມຍມີຂໍ້ຍົກເວັ້ນຄື ບໍ່ຄວາມຮັບປະທານອາຫານທີ່ມີທາດເຫຼັກສູງ ເພາະຮ່າງກາຍມີທາດເຫຼັກເກີນຢູ່ແລ້ວ.

ທີ່ມາ: http://www.pikool.com/