ດ້ວຍອຸປະກອນຕົວນີ້ຈະເຮັດໃຫ້ເການລົມກັນໃນພາສາ ແລະ ເຊື້ອຊາດທີ່ແຕກຕ່າງກັນເປັນເລື່ອງທີ່ງ່າຍຂຶ້ນມາທັນທີ ກັບອຸປະກອນທີ່ມີຊື່ວ່າ The Pilot ເຊິ່ງຖືກສ້າງໂດຍບໍລິສັດ Waverly Labs ຂອງປະເທດອາເມລິກາ ມັນເປັນຫູຟັງໄຮ້ສາຍຂະໜາດນ້ອຍ ໂດຍອອກແບບມາໃຫ້ເລືອກ 3 ສີນຳກັນຄື:
ດຳ, ຂາວ ແລະ ແດງ ຊຶ້ງຈຸດເດັ່ນຂອງມັນກໍ່ຄືໃຊ້ສຳລັບຟັງ ແລະ ແປພາສາໄດ້ ໂດຍທີ່ຫູຟັງຕົວນີ້ ຈະມີລະບົບການໃຊ້ງານ ແລະ ປັບຕັ້ງຄ່າຕ່າງໆ ຂອງຕົວອຸປະກອນຜ່ານທາງແອັບພິເຄເຊິນມືຖື ຫຼັງຈາກຕັ້ງຄ່າພາສາຕ່າງໆ ທີ່ຕ້ອງການຮຽບຮ້ອຍແລ້ວ ເມື່ອຫູຟັງໄດ້ຮັບສຽງເວົ້າຕ່າງໆໂດຍຮອບກໍ່ຈະທຳການປະມວນຜົນແລະແປເປັນພາສາຕາມທີ່ເຮົາຕ້ອງການຜ່ານທາງຫູຟັງໃຫ້ເຂົ້າໃຈໄດ້ທັນທີ ຮຽກໄດ້ວ່າເປັນອຸປະກອນຫູຟັງໂຕທຳອິດຂອງໂລກທີ່ມີຟັງເຊິນຮອງຮັບການໃຊ້ງານຂອງລະບົບການແປພາສາໄດ້ໃນຕົວ.
ໃນຂະນະນີ້ The Pilot ຍັງເປັນໂຄງການທີ່ກຳລັງກຽມເຂົ້າໂຄງການລະດົມທຶນໃນ indiegogo ຈາກແຫຼ່ງຂ່າວໄດ້ຄາດການໄວ້ວ່າລາຄາຈະຢູ່ທີ່ປະມານ $129 ແຕ່ຍັງບໍ່ທັນມີການຢືນຢັນໃນເລື່ອງຂອງການຈັດສົ່ງສິນຄ້າທີ່ແນ່ນອນ ເຊິ່ງອາດຈະເປັນຊ່ວງປາຍປີນີ້ ໂດຍຫຼາຍໆຄົນກໍ່ຕັ້ງຄຳຖາມວ່າ ມັນໂອເວີເກີນໄປບໍ ? ແລ້ວມັນຈະໃຊ້ງານໄດ້ແທ້ບໍ່ ? ອັນນີ້ອາດຈະໄດ້ຕິດຕາມກັນຕໍ່ໄປ
ທີ່ມາ: ເສດຖະກິດ-ສັງຄົມ