ໝາກນາວມີຄຸນສົມບັດທີ່ດີຕໍ່ເລັບມືຫຼາຍ ເພາະໝາກນາວຈະມີກຣົດອ່ອນໆ ເຮັດໃຫ້ເລັບມືມີສີຂາວອົມບົວອ່ອນ ນ້ຳມັນຈາກເປືອກໝາກນາວ ແລະ ວິຕາມິນຊີ ຊ່ວຍບຳລຸງເລັບໃຫ້ແຂງແຮງ ເງົາງາມ ບໍ່ຫັກງ່າຍ ເຊິ່ງສູດຕ່າງໆມີດັ່ງນີ້
ນ້ຳໝາກນາວ + ນ້ຳສົ້ມສາຍຊູ: ແກ້ບັນຫາເລັບເຫຼືອງ
ບີບໝາກນາວໃຫ້ໄດ້ປະມານ 3 ບ່ວງແກງ ໃສ່ລົງຊາມນ້ອຍ ຈາກນັ້ນກໍ່ລ້າງມືຂອງທ່ານໃຫ້ສະອາດ ເຊັດມືໃຫ້ແຫ້ງ ນຳປາຍນິ້ວມືລົງແຊ່ໃນນ້ຳໝາກນາວປະມານ 5 ນາທີ ແລ້ວຍົກມືຂຶ້ນ ຈາກນັ້ນກໍ່ເຕີມນ້ຳສົ້ມຊາຍຊູ 1 ບ່ວງແກງ ແລະ ນ້ຳອຸ່ນປະມານ 3 ບ່ວງແກງ ລົງໄປໃນນ້ຳໝາກນາວ ແລະ ຄົນໃຫ້ເຂົ້າກັນ ແລ້ວໃຊ້ແປງຖູແຂ້ວຈຸ່ມລົງນ້ຳດັ່ງກ່າວແລ້ວນຳມາຖູໆທີ່ເລັບມື ຈາກນັ້ນກໍ່ລ້າງໃຫ້ສະອາດ ເຮັດແບບນີ້ວັນລະ 1 ຄັ້ງ ເປັນປະຈຳເລັບທ່ານກໍ່ຈະຂາວໄດ້
ນ້ຳໝາກນາວ + ນ້ຳມັນໝາກກອກ: ເພີ່ມຄວາມແຂງແຮງຂອງເລັບ
ປະສົມນ້ຳໝາກນາວ 1 ບ່ວງແກງ ກັບນ້ຳໝາກກອກ 3 ບ່ວງແກງ ນຳສຳລີມາຈຸ່ມລົງໃນສ່ວນປະສົມ ແລ້ວນຳມາພັນອ້ອມນິ້ວມື ປະໄວ້ 10 ນາທີ ເຮັດວັນລະ 1 ຄັ້ງ ຫາກເລັບມືທ່ານບາງຫຼາຍ ໃຫ້ເຮັດວັນລະ 2 ຄັ້ງ ເຊົ້າ-ແລງ ເລັບມືຈະຄ່ອຍແຂງແຮງຂຶ້ນ