ສະບັບກ່ອນນີ້ເຮົາໄດ້ນຳສະເໜີກ່ຽວເພັດນ້ຳງາມທີ່ລາຄາແພງຕິດໜຶ່ງໃນ 10 ອັນດັບເພັດທີ່ແພງທີ່ສຸດໃນໂລກໄປແລ້ວ ວັນນີ້ເຮົາເລີຍມານຳສະເໜີ 10 ຮູບແຕ້ມທີ່ແພງທີ່ສຸດໃນໂລກ ເຊິ່ງຈະມີຮູບແຕ້ມໃດແນ່ນັ້ນເຮົາມາເບິ່ງພ້ອມກັນເລີຍ
ອັນດັບ 10 Femme aux Bras Croises by Pablo Picasso ລາຄາປະມານ $55,000,000
Femme aux Bras Croisés ພາບແມ່ຍິງນັ່ງກອດເອິກຜົນງານຂອງ Picasso ເຊິ່ງວາດຂຶ້ນໃນປີ 1902 ຮູບແຕ້ມນີ້ໃຊ້ໂທນສີນ້ຳເງິນ ເຊິ່ງເປັນໂທນສີທີ່ສະແດງອອກເຖິງຄວາມໂສກເສົ້າ ເສຍໃຈ ແລະ ຄວາມເຢັນຊາ ຈິ່ງເຮັດໃຫ້ພາບນີ້ມີຊື່ວ່າ “ Blue Period ”
ອັນດັບ 9 Rideau, Cruchon et Compotier by Paul Cezanne ລາຄາປະມານ $60,500,000
Rideau, Cruchon et Compotier ຜົນງານຂອງ Paul Cezanne ຈິດຕະກອນຊາວຝຣັ່ງເຊິ່ງມີສື່ສຽງໃນດ້ານການຂຽນພາບຫຸ່ນນິ້ງ ພາບນີ້ວາດຂຶ້ນໃນປີ 1893-1894
ອັນດັບ 8 Portrait de l’Artiste sans Barbe by Vincent van Gogh ລາຄາປະມານ$71,590,000
Portrait de l’Artiste sans Barbe ຜົນງານຂອງ Vincent van Gogh ຈິດຕະກອນຊາວດັທຊ໌ (ເນເທີແລນດ໌) ເຊິ່ງວາດຂຶ້ນໃນປີ 1889 Van Gogh ເປັນຈິດຕະກອນທີ່ມັກຮູບແຕ້ມເໝືອນຕົວເອງຈາກເງົາສະທ້ອນ ເຊິ່ງໜຶ່ງຜົນງານທີ່ມີຊື່ສຽງຄື “ ພາບເໝືອນທີ່ບໍ່ມີເຄົາ” ເປັນການວາດກັບດ້ານຈາກກະຈົກເງົາ
ອັນດັບ 7 Les Noces de Pierrette by Pablo Picasso ລາຄາປະມານ $72,690,000
Les Noces de Pierrette ຜົນງານຂອງ Pablo Picasso ຈິດຕະກອນ ແລະ ປະຕິມາກອນຊາວ ສະເປນ ເຊິ່ງວາດຂຶ້ນໃນຊ່ວງປີ 1901-1905 Picasso ເປັນຈິດຕະກອນ ແລະ ປະຕິມາກອນຊາວ ສະເປນ ເປັນອີກພາບໜຶ່ງທີ່ວາດຂຶ້ນມາໃນຊ່ວງທີ່ເຂົາລຳບາກ ອີກທັງມີຄວາມທຸກທໍລະມານ ແລະ ເສຍໃຈກັບການຈາກໄປຂອງເພື່ອນ
ອັນດັບ 6 Massacre of the Innocents by Peter Paul Rubens ລາຄາປະມານ $77,900,000
Massacre of the Innocents ຜົນງານຂອງ Peter Paul Rubens ຈິດຕະກອນຊາວ ເຟລມມິຊ ພາບນີ້ເປັນໜຶ່ງໃນຮູບແຕ້ມທີ່ຕ້ອງການບອກເລົ່າເລື່ອງອັນໜ້າຫົດຫູ່ໃຈ ແລະ ສະເທືອນໃຈຈາກການສັງຫານກຸ່ມເດັກນ້ອຍທີ່ເມືອງ Bethlehem ພາບນີ້ວາດຂຶ້ນລະຫວ່າງປີ 1611-1612
ອັນດັບ 5 Irises by Vincent van Gogh ລາຄາປະມານ $78,400,000
Irises ຫຼື ພາບດອກໄມ້ໄອຣີສ ຜົນງານຂອງ Vincent van Gogh ເຊິ່ງວາດຂຶ້ນໃນປີ 1889 ຂະນະທີ່ກຳລັງພັກຮັກສາຕົວຢູ່ໃນສະຖານພັກຟື້ນ Saint Paul-de-Mausole ທີ່ເມືອງ Saint-Remy-de-Provence ປະເທດຝຣັ່ງ ກ່ອນທີ່ຈະເສຍຊີວິດໃນປີ 1890
ຮູບແຕ້ມທີ່ມີຊື່ວ່າ The lightning conductor for my illness ຫຼື ສາຍລໍ່ຟ້າຂອງຄວາມເຈັບປ່ວຍ Van Gogh ເຊື່ອວ່າ ການຂຽນພາບໄປເລື່ອຍໆ ຈະເປັນວິທີໜຶ່ງທີ່ຊ່ວຍໃຫ້ຈິດໃຈບໍ່ເກີດຄວາມຄຽດຫຼາຍເກີນໄປ
ອັນດັນ 4 Dora Maar au Chat by Pablo Picasso ລາຄາປະມານ $95,216,000
Dora Maar au Chat ຜົນງານຂອງ Pablo Picasso ເຊິ່ງວາດຂຶ້ນໃນປີ 1941 ແມ່ຍິງໃນພາບນີ້ຄື Dora Maar ເມຍຂອງ Picasso ເຊິ່ງກຳລັງນັ່ງຢູ່ເທິງຕັ່ງ ແລະ ມີແມວນ້ອຍເກາະຢູ່ເທິງບ່າໄຫລ່
ອັນດັບ 3 Garcon a la Pipe by Pablo Picasso ລາຄາປະມານ $106,910,000
Garcon a la Pipe ຜົນງານຂອງ Pablo Picasso ເຊິ່ງວາດຂຶ້ນໃນປີ 1905 ເມື່ອ Picasso ມີອາຍຸ 24 ปี ຂະນະນັ້ນເຂົາອາໃສຢູ່ທີ່ Montmartre ໃນປາຣີສ
ອັນດັບ 2 Bal au moulin de la Galette by Pierre-Auguste Renoir ລາຄາປະມານ $110,420,000
Bal au moulin de la Galette ຜົນງານຂອງ Pierre-Auguste Renoir ຈິດຕະກອນຊາວຝຣັ່ງ ເຊິ່ງວາດຂຶ້ນໃນປີ 1876 ເປັນຮູບແຕ້ມທີ່ສະແດງໃຫ້ເຫັນເຖິງບ່າຍວັນອາທິດທີ່ Moulin de la Galette ໃນເຂດຂອງ Montmartre ໃນປາຣີສ ປາຍສັດຕວັດທີ 19
ອັບດັບ 1 Portrait of Dr. Gachet by Vincent van Gogh ລາຄາປະມານ $116,790,000
Portrait of Dr. Gachet ຜົນງານຮູບແຕ້ມຂອງ Vincent van Gogh ເຊິ່ງວດຂຶ້ນໃນປີ 1890 ຂະນະທີ່ເຂົາກຳລັງຮັກສາອາການປ່ວຍຢູ່ທີ່ສະຖານພັກຟື້ນທີ່ Van Gogh ຮູບແຕ້ມເໝືອນຂອງ Dr.Gachet ຈຳນວນ 2 ພາບ ເຊິ່ງມີການລົງສີທີ່ແຕກຕ່າງກັນ
