ປະຈຸບັນນີ້ຢູ່ໃນສັງຄົມຢາເສບຕິດຍັງແຜ່ລະບາດຫຼາຍໂດຍສະເພາະຢູ່ໃນກຸ່ມໄວໜຸ່ມໄວຄະນອງ ແລະ ຜູ້ຂາຍ ກໍຍັງດຳເນີນເພີ່ມທະວີຂຶ້ນເລື້ອຍໆໂດຍບໍ່ຄຳນືງເຖິງຜົນສະທ້ອນທີ່ຕາມມາ ແລະຜົນເສຍຫາຍທີ່ເກີດຂຶ້ນສ້າງໃຫ້ສັງຄົມບໍ່ມີຄວາມສະຫງົບ, ບໍ່ມີຄວາມເປັນລະບຽບຮຽບຮ້ອຍເກີດມີການຂີ້ລັກງັດແງະ, ອາລະວາດຕີກັນ, ປຸ້ນຈີ້ຂ້າເຈົ້າເອົາຂອງຮ້າຍແຮງໄປກວ່ານັ້ນກໍ່ແມ່ນອາລະວາດຄອບຄົວພໍ່ແມ່ບາງຄັ້ງກໍເຖິງຂັ້ນເສຍຊີວິດ.
ຕໍ່ກັບບັນຫາດັ່ງກ່າວໜ່ວຍງານສະກັດກັ້ນ ແລະ ຕ້ານຢາເສບຕິດພ້ອມດ້ວຍພາກສ່ວນທີ່ກ່ຽວຂ້ອງທຸກຂັ້ນບໍ່ວ່າຈະຢູ່ບ່ອນໃດກໍ່ລ້ວນແລ້ວແຕ່ສຸມໃສ່ວຽກງານຕ້ານການແຜ່ລະບາດຂອງຢາເສບຕິດຫຼ້າສຸດເຈົ້າໜ້າທີ່ຕຳຫຼວດໜ່ວຍງານສະກັດກັ້ນ ແລະຕ້ານຢາເສບຕິດ ປກສ ເມືອງຄຳເກີດ ແຂວງບໍລິຄຳໄຊພ້ອມ ດ້ວຍພາກສ່ວນທີ່່ກ່ຽວຂ້ອງໄດ້ນຳກຳລັງເຂົ້າກວດຄົ້ນເຄຫາສະຖານ (ເຮືອນ) ຂອງນາງ ເຄນນ້ອຍ ອາຍຸ 34 ປີ ປະຊາຊົນບ້ານແຈ້ງສະຫວ່າງ ເມືອງຄຳເກີດ ແຂວງບໍລິຄຳໄຊ ຊຶ່ງເປັນເຮືອນເປົ້າໝາຍ ເຄື່ອນໄຫວຄ້າຂາຍຢາເສບຕິດປະເພດ ຢາບ້າ ແລະໃຊ້ເຮືອນຂອງຕົນເປັນບ່ອນ ມົ້ວສຸມຢາເສບຕິດໃຫ້ແກ່ຊາວໜຸ່ມໄວໜຸ່ມສ້າງໃຫ້ສັງຄົມບ້ານເມືອງບໍ່ມີຄວາມສະຫງົບຜ່ານການກວດຄົ້ນເຄຫາສະ ຖານພົບເຫັນຢາບ້າທີ່ນາງ ເຄນນ້ອຍ ຊຸກເຊື່ອງໄວ້ໃນເຮືອນຈຳນວນ 136 ເມັດ ດັ່ງນັ້ນ ທາງເຈົ້າໜ້າທີ່ຕຳຫຼວດຈິ່ງ ກັກຕົວຜູ້ກ່ຽວໄປ ປກສ ເມືອງຄຳເກີດ ເພື່ອດຳເນີນຄະດີ.
ຜ່ານການສືບສວນ-ສອບສວນຂອງ ເຈົ້າໜ້າທີ່ ນາງ ເຄນນ້ອຍ ໄດ້ໃຫ້ການຮັບ ສາລະພາບວ່າ: ຕົນໄດ້ເລີ່ມເຄື່ອນໄຫວ ຊື້-ຂາຍຢາບ້າມາໄດ້ 3 ປີແລ້ວ ການພົວ ພັນໃນການຊື້ຂາຍແມ່ນສັ່ງຊື້ນຳຄົນຊົນ ເຜົ່າມົ້ງທີ່ຢູ່ບ້ານໃກ້ຄຽງບໍ່ຮູ້ຊື່ ແຕ່ລະຄັ້ງແມ່ນຊື້ເອົາຄັ້ງລະ 10-20 ເມັດ ໃນລາ ຄາ ເມັດລະ 15 ພັນກີບ ແລ້ວມາຂາຍໃນ ລາ 20 ພັນກີບ ຕົນເອງແມ່ນດຳເນີນມາ ໄດ້ 10 ກວ່າຄັ້ງແລ້ວ ມາໃນວັນທີ 5 ເດືອນເມສາທີ່ຜ່ານມານີ້: ຕົນໄດ້ໂທລະ ສັບສັ່ງຊື້ນຳຄົນເຜົ່າມົ້ງ ບ້ານໃກ້ຄຽງ ແຕ່ບໍ່ຮູ້ວ່າຊື່ຫຍັງ ຕົນໄດ້ຊື້ຢາບ້າ 01 ຖົງ ເທົ່າກັບ 2 ຮ້ອຍເມັດ ໃນລາຄາ 1,5 ລ້ານກີບ ແລ້ວເອົາມາຂາຍໃຫ້ຊາວໜຸ່ມ, ໄວ ໜຸ່ມທີ່ມາຊື້ໃນລາຄາ 20 ພັນກີບຕໍ່ເມັດ ຂາຍໄປແລ້ວ 64 ເມັດ ຍັງເຫຼືອຢູ່ 136 ເມັດ ຕົກມາຮອດວັນທີ 8 ເດືອນ ເມສາ 2016 ນີ້ ເຈົ້າໜ້າທີ່ຕຳຫຼວດກໍ່ໄດ້ນຳກຳ ລັງເຂົ້າກວດຄົ້ນເຮືອນຂອງຕົນແລ້ວພົບ ເຫັນຢາບ້າທີ່ຕົນໄດ້ເຊື່ອງໄວ້ໃນເຮືອນຄົວ ຈຳນວນ 136 ເມັດ ພ້ອມນັ້ນກໍຖືກ ກັກຕົວໄປ ປກສ ເມືອງຄຳເກີດ.
ຈາກຄຳໃຫ້ການຮັບສາລະພາບ ແລະ ຫຼັກຖານຂອງກາງຢາບ້າທີ່ນາງ ເຄນ ນ້ອຍ ມີໄວ້ໃນຄອບຄອງຈຳນວນ 136 ເມັດ ຊຶ່ງຜິດຕໍ່ລະບຽບກົດໝາຍ ຈິ່ງໄດ້ ກັກຕົວ ນາງ ເຄນນ້ອຍ ໄວ້ດຳເນີນຄະດີ ແລະຂະຫຍາຍຜົນຫາພວກຮ່ວມຂະ ບວນການມາດຳເນີນຄະດີ, ລົງໂທດຕາມລະບຽບກົດໝາຍຢ່າງເຂັ້ມງວດ.
ທີ່ມາ: 