ອາການຂອງແຜຮ້ອນໃນ ເລີ່ມທຳອິດຈະເປັນຈຸດແດງ ຫຼື ຕຸ່ມໃນບໍລິເວນຊ່ອງປາກ ຕໍ່ມາຈະມີການພັດທະນາຈົນກາຍເປັນແຜເຊິ່ງມີລັກສະນະເປັນສີຂາວຂອບວົງເປັນສີບົວ ຜູ້ທີ່ເປັນຈະຮູ້ສຶກປວດແສບຮ້ອນບໍລິເວນທີ່ເປັນ ກິນອາຫານກໍ່ຍາກໂດຍສະເພາະອາຫານປະເພດທີ່ມີຣົດຊາດເພັດ ແລະ ຂອງຮ້ອນແມ່ນມີຄວາມລຳບາກຫຼາຍ ວັນນີ້ເຮົາເລີຍມານຳສະເໜີ 2 ສະໝຸນໄພທີ່ມີສັບພະຄຸນຮັກສາແຜຮ້ອນໃນໄດ້ ແຖມຍັງບໍ່ເປັນອັນຕະລາຍຕໍ່ສຸຂະພາບອີກດ້ວຍ
ດອກດາວເຮືອງ ໂດຍນຳດອກດາວເຮືອງໄປລ້າງໃຫ້ສະອາດແລ້ວນຳໄປຕາກແດດໃຫ້ແຫ່ງ ຈາກນັ້ນກໍ່ນຳມາຊົງໃສ່ນ້ຳອຸ່ນດື່ມຄືຊາ ມັນຈະຊ່ວຍຫຼຸດຄວາມຮ້ອນໃນຮ່າງກາຍ ແລະ ຍັງສາມາດນຳນ້ຳທີ່ຊົງດື່ມມາບ້ວນປາກເພື່ອຮັກສາແຜຮ້ອນໃນໄດ້ອີກດ້ວຍ ແຕ່ດອກດາວເຮືອງທີ່ນຳມາແຊ່ນັ້ນທ່ານຕ້ອງໝັ້ນໃຈກັບທີ່ມາຂອງມັນວ່າບໍ່ມີການໃຊ້ສານເຄມີສີດໃສ່ທີ່ດອກ
ວ່ານຫາງແຂ້ ໂດຍນຳວ່ານຫາງແຂ້ມາປອກເປືອກ ລ້າງໃຫ້ສະອາດແລ້ວຄັ້ນເອົາແຕ່ນ້ຳ ໃຫ້ໄດ້ປະມານ 1-3 ບ່ວງກາເຟ ນຳມາບ້ວນປາກເປັນປະຈຳທຸກວັນ ວັນລະ 3 ຄັ້ງ ກໍ່ຈະຊ່ວຍໃຫ້ແຜຮ້ອນໃນດີໄວຂຶ້ນ