ສະບັບແລ້ວນີ້ ເຮົານຳສະເໜີກ່ຽວກັບການໄລ່ໜູອອກຈາກເຮືອນດ້ວຍສະໝຸນໄພທຳມະຊາດກັນໄປແລ້ວ ວັນນີ້ເຮົາເລີຍຈະມາເວົ້າກ່ຽວກັບ ສູດໄລ່ແມງສາບອອກຈາກເຮືອນດ້ວຍພິກໄທ ເຊິ່ງວີທີນີ້ຈະບໍ່ເປັນອັນຕະລາຍຕໍ່ຄົນໃນເຮືອນ ໂດຍສະເພາະເຮືອນໃດທີ່ມີເດັກນ້ອຍຢູ່ນຳ
ສິ່ງທີ່ຕ້ອງກຽມ
ພິກໄທປົ່ນ 2 ບ່ວງກາເຟ
ຕຸກສະເປລີດຜ້າ 1 ຕຸກ (ເອົາໂຕເກົ່າທີ່ໃຊ້ນ້ຳຢາມັນໝົດແລ້ວ)
ວິທີເຮັດ
ປະສົມພິກໄທ 2 ບ່ວງກາເຟ ເຂົ້າກັບນ້ຳສະອາດ 1/4 ຖ້ວຍຕວງ ຄົນໃຫ້ເຂົ້າກັນ ແລ້ວເທໃສ່ຕຸກສະເປລີດຜ້າ ຈາກນັ້ນທ່ານກໍ່ນຳໄປສີດຕາມທາງທີ່ແມງສາບມັກທຽວ ຫຼື ຈຸດທີ່ແມງສາບມັກອາໃສຢູ່ເປັນປະຈຳ ແມງສາບກໍ່ຈະຄ່ອຍໆຫາຍໄປ ເພາະແມງສາບບໍ່ມັກກິ່ນຂອງພິກໄທ
ສູດງ່າຍໆພຽງເທົ່ານີ້ກໍ່ສາມາດກຳຈັດແມງສາບທີ່ກວນໃຈທ່ານໄດ້ແລ້ວ ຈັ່ງໃດກໍ່ລອງນຳສູດນີ້ໄປເຮັດເບິ່ງເດີ້