ຝົນໄດ້ຖະລົ່ມເມືອງອຸດອນທານີ (ປະເທດໄທ) ໃນວັນທີ 16/5/2016 ທີ່ຜ່ານມາ ປະມານ1 ຊົ່ວໂມງ ແລະ ເຊົ້າວັນນີ້ອີກຄັ້ງໜຶ່ງໃນເວລາ 10:00ໂມງ ປະມານ 1ຊົ່ວໂມງ ເຮັດໃຫ້ນ້ຳຖ້ວມໃນຕົວເທສະບານເມືອງອຸດອນທານີ ເຊັ່ນຖະໜົນໂພສີ ໜ້າສຳນັງານທີ່ດີນຈັງຫວັດອຸດອນທານີ ແລະ ຖະໜົນສີຣິສຸກໜ້າໂຮງຮຽນອາຊີວະສຶກສາ ເກີດນ້ຳຖ້ວມສູງເຖິງ 30 ຊມ ແລະ ບາງຈຸດສູງເຖິງ 50 ຊມ. ແລະ ໄດ້ເຮັດໃຫ້ຕົວອາຄານຂອງໂຮງໝໍອຸດອນ ເກີດນ້ຳຖ້ວມ ເຫດເກີດຈາກຫຼັງຄາຮົ່ວ ແລະ ແວ່ນແຕກຍ່ອນຖືກພາຍຸຖະລົ່ມໃນວັນທີ່ 6 ພຶດສະພາ ທີ່ຜ່ານມາ ເຊິ່ງທາງໂຮງໝໍຍັງສ້ອມແປງບໍ່ທັນແລ້ວ ຈິ່ງເຮັດໃຫ້ດາດຟ້າຂອງໂຮງໝໍມີນ້ຳ ແລະ ລະບາຍນ້ຳບໍ່ທັນ ນ້ຳໄດ້ໄຫລລົງມາຕາມຂັ້ນໄດ ໄຫລເຂົ້າຖ້ວມອາຄານເຈົ້າໜ້າທີ່ ແລະ ພະຍາບານໄດ້ພາກັນກວາດນ້ຳອອກຈາກໂຮງໝໍ