ສຳນັກຂ່າວ vovworld ຂອງຫວຽດນາມ ໄດ້ລາຍງານວ່າ ໃນວັນທີ 16 ພຶດສະພາຜ່ານມານີ້ ທ່ານ ຫງວຽນຊວນຟຸກ ນາຍົກລັດຖະມົນຕີ ແລະ ຄະນະຜູ້ແທນຂັ້ນສູງຂອງຫວຽດນາມ ໄດ້ເດີນທາງເຖິງນະຄອນຫລວງມົດສະກູ ເພື່ອຢ້ຽມຢາມສະຫະພັນຣັດເຊຍ ຢ່າງເປັນທາງການ ຕາມຄຳເຊີນຂອງ ທ່ານ ວະລາດີເມຍ ປູຕິນ ປະທານາທິບໍດີ ແລະ ທ່ານ ດິມິທຣີ ເວດເວເດບ ນາຍົກລັດຖະມົນຕີຣັດເຊຍ ແລະ ມີກຳນົດການ ເຂົ້າຮ່ວມກອງປະຊຸມສຸດຍອດ ຣັດເຊຍ-ອາຊຽນ ຢູ່ນະຄອນໂຊຊິ ອີກດ້ວຍ.
ການຢ້ຽມຢາມສະຫະພັນຣັດເຊຍໃນເທື່ອນີ້ ແມ່ນເປັນການເດີນທາງ ຢ້ຽມຢາມຕ່າງປະເທດຢ່າງເປັນທາງການ ຄັ້ງທຳອິດຂອງ ທ່ານ ນາຍົກລັດຖະມົນຕີ ຫງວຽນຊວນຟຸກ ຂອງຫວຽດນາມ ຊຶ່ງມີຄວາມໝາຍໃຫຍ່ຫລວງ ໃນການຮັດແໜ້ນສາຍພົວພັນ ຄູ່ຮ່ວມມືຍຸດທະສາດຮອບດ້ານ ລະຫວ່າງ ຫວຽດນາມ ແລະ ສະຫະພັນລັດເຊຍ ໃຫ້ເລິກເຊິ່ງກ່ວາອີກ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!