• ມະນຸດເປັນສັດສັງຄົມ ເຮົາຢູ່ກັນເປັນໝູ່ເປັນກຸ່ມ
ຖ້າບໍ່ມີໃຜຮັບຟັງ ບໍ່ໃສ່ໃຈຄວາມຮູ້ສຶກກັນແລະກັນ
ແລ້ວມັນຈະຢູ່ຮ່ວມກັນໄດ້ຈັ່ງໃດ໋?
ພຸດທະສາສະໜາວ່າ “ອັຕຕານັງ ອຸປະມັງ ກະເຣ” ເອົາໃຈເຂົາມາໃສ່ໃຈເຮົາ
ຄຶດເຖິງໃຈຜູ່ອື່ນ ຮັບຟັງຄວາມຮູ້ສຶກຂອງຜູ່ອື່ນໄວ້ນຳ
ຖ້າມັນເຮັດໃຫ້ຄົນອື່ນເດືອດຮ້ອນ ກໍ່ຄວນຮັບຟັງກັນແດ່
ແຕ່ຖ້າມັນເປັນສິ່ງທີ່ດີ ອັນນີ້ກໍ່ພິຈາລະນາເຮັດໄປໃຫ້ເໝາະສົມ
ການງຽບເປັນ ມັນບໍ່ໄດ້ໝາຍເຖິງວ່າເຮົາໂງ່ດອກ
ແຕ່ການເປັນຄົນງຽບບໍ່ເປັນຕ່າງຫາກ ທີ່ມັນສະແດງອອກເຖິງຄວາມບໍ່ສະຫຼາດ
ນັກປຣາຊະຍາທັງຫລາຍ ເວົ້າເປັນແລະນິ້ງເປັນ
ຮູ້ເວລາທີ່ຈະເວົ້າ ຮູ້ວິທີໃນການເວົ້າ ແລະ ຮູ້ຈັກງຽບ ຮູ້ຮັບຟັງ
: ຢ່າເປັນຄົນໃຈປິດ ຢ່າມັກຄິດໄປເອງ
ຈະເຣີນທັມ// ສັກຂີທັມມິກະພິກຂຸ.