ອີງຕາມຂ່າວລືຈາກປະເທດຈີນລະບຸວ່າ ບໍລິສັດໄມໂຄຣຊ໋ອບ ກຽມທີ່ຈະຖິ້ມຕະຫຼາດຟີເຈີໂຟນ ຫຼັງຈາກທີ່ຂາຍໄດ້ພຽງແຕ່ 15 ລ້ານເຄື່ອງ ໃນຊ່ວງໄຕມາດທຳອິດຂອງປີນີ້ ແລະຈະປິດຜະແນກດັ່ງກ່າວພ້ອມ, ໂດຍຈະມອບສິດທິຊື່ Nokia ໃຫ້ກັບ Foxconn. ພາຍໃຕ້ເງື່ອນໄຂການຊື້ກິດຈະການ Nokia Devices ແລະ Services ທີ່ປິດການຊື້ຂາຍໄປແລ້ວເມື່ອປີ 2014, ເຮັດໃຫ້ Microsoft ໄດ້ກາຍເປັນຜູ້ຖືຄອງສິດທິໃນການໃຊ້ຊຶ່ Nokia ສຳລັບຟີເຈີໂຟນ 10 ປີ ຮອດປີ 2024 ແລະ ສະມາດໂຟນອີກ 2 ປີ ຮອດປີ 2016 (ເຊິ່ງສະມາດໂຟນບໍ່ແນ່ໃຈວ່າຕອນນີ້ແມ່ນໝົດກຳນົດແລ້ວຫຼືຍັງ ແຕ່ວ່າກໍໃກ້ແລ້ວແຫຼະ ^^).
ຂ່າວລືຍັງລະບຸອີກວ່າຫຼັງຈາກທີ່ປິດກຸ່ມຟີເຈີໂຟນໄປແລ້ວ, ພະນັກງານໃນຜະແນກ Microsoft Mobile (ທີ່ຜະລິດ Lumia ໃນຕອນນີ້) ກໍຈະຖືກປົດອອກເຖິງ 50% ແລະສ່ວນທີ່ເຫຼືອກໍຈະຖືກລວມເຂົ້າກັບກຸ່ມ Surface. ເຊິ່ງກ່ອນໜ້ານີ້ເອງກໍມີພະນັກງານຖືກປົດອອກໄປແລ້ວ 25,800 ກວ່າຄົນ
ອີງຈາກຄວາມສຳເລັດຂອງແທັບເລັດ Surface Pro ເຊິ່ງອາດຈະເຮັດໃຫ້ Panos Panay ກັບທີມງານເຂົ້າມາມີສ່ວນຮ່ວມໃນການອອກແບບໂທລະສັບມືຖືໃນອະນາຄົດກໍເປັນໄດ້ (ຂ່າວລືໃນຕອນນີ້ກໍຄົງເປັນ Surface Phone)
ແຕ່ເຖິງຢ່າງໃດກໍຕາມ Microsoft ນັ້ນມີລາຍຮັບຈາກການເກັບຄ່າລິຂະສິດຈາກຜູ້ຜະລິດ Android ເປັນຈຳນວນຫຼາຍກວ່າ ລາຍຮັບຈາກການຂາຍສະມາດໂຟນ Windows Phones ໃນຕອນນິ້ອີກ.
ທີ່ມາ:phonearena