ເພາະຈະໄດ້ບໍ່ອ້ວນແມ່ນບໍ່ ແຕ່ບັນຫາຄື ຜັກຈະໄປຕົກຄ້າງຢູ່ໃນລຳໄສ້ດົນຫຼາຍດ້ວຍມີກາກໃຍ ຫຼືໄຟເບີ ແລະເຮັດໃຫ້ຮູ້ສຶກອຶດອັດ ດັ້ງນັ້ນ ເຖິງຈະເປັນອາຫານສຸຂະພາບ ແຕ່ບໍ່ຕ້ອງຮັບປະທານກ່ອນນອນພາຍໃນເວລາ 1-2 ຊົ່ວໂມງ ອາດຈະດີກວ່າ.

2 ອາຫານຣົດຊາດເພັດ

ໂດຍສະເພາະຕອນເດີກໆ ຫຼາຍໆຄົນທີ່ມັກອອກມາຮ້ານອາຫານຕາມສັ່ງກິນແລ້ວກໍ່ມັກຈະບໍ່ພົ້ນພວກ ຜັດກະເພົາ, ຕົ້ມຢຳ ຫຼື ແກງເຜັດ ຂໍບອກເລີຍວ່າອາຫານເຫຼົ່ານີ້ ສຳລັບອາຫານແລງເຮົາຄວນງົດ ເພາະຄວາມເຜັດຮ້ອນຂອງເຄື່ອງເທດ ແລະເຄື່ອງສະໝຸນໄພຕ່າງໆ ຈະໄປກະຕຸ້ນໃຫ້ລະບົບຍ່ອຍອາຫານລະບົບຂັບຖ່າຍ ແລະລະບົບຫາຍໃຈຕື່ນຕົວ ແລະເຮັດໃຫ້ຄໍ່າຄືນນັ້ນ ອາດລົ້ມຕົວນອນແບບບໍ່ມີຄວາມສຸກ.

3 ກະແລັ້ມ

ແມ່ຍິງຫຼາຍໆຄົນມັກກິນກະແລັ້ມກ່ອນນອນ ເພາະຮູ້ສຶກວ່າເຮັດໃຫ້ອາລົມດີ ຜ່ອນຄາຍ ແລະຫຼັບໄດ້ຢ່າງມີຄວາມສຸກ ແຕ່ຄວນຫຼີກລ່ຽງ ເພາະກະແລັ້ມມີສ່ວນປະກອບຂອງໄຂມັນຂ້ອນຂ້າງສູງ ເຮັດໃຫ້ລະບົບຍ່ອຍອາຫານເຮັດວຽກໄດ້ຊ້າລົງ ນອກຈາກນັ້ນ ປະລິມານນໍ້າຕານທີ່ມີຫຼາຍເກີນໄປອາດໄປກະຕຸ້ນໃຫ້ຮ່າງກາຍຫລັ່ງອະດີຣນາລີນ ເຮັດໃຫ້ຕົນໂຕເບົາ ແທນທີ່ເຮົາຈະຢາກນອນ.

4 ອາຫານໜັກໆ ເຊັ່ນ ພວກແປ້ງ ແລະ ໄຂມັນ

ຍົກຕົວຢ່າງ ພີດຊ່າ, ເບີເກີໄກ່ທອດ, ເຟຣນຟຣາຍ ເພາະອາຫານເຫຼົ່ານີ້ນອກຈາກຈະເຮັດໃຫ້ອີ່ມທ້ອງເກີນໄປແລ້ວ ໄຂມັນຍັງຈະໄປລົບກວນອະໄວຍະວະຫຼອດອາຫານເຮັດໃຫ້ການເກີດລະຄາຍເຄືອງ ແລະເຮັດໃຫ້ມີການສະສົມປະລິມານໄຂມັນຫຼາຍຂຶ້ນໃນເສັ້ນເລືອດອີກ ແລະຈະເຮັດໃຫ້ຫົວໃຈເຮັດວຽກໜັກໃນຊ່ວງເວລາທີ່ລະບົບຂອງຮ່າງກາຍຄວນຈະໄດ້ພັກຜ່ອນອີກດ້ວຍ.

5 ເຄື່ອງດື່ມປະເພດເຫຼົ້າ

ຫຼາຍໆຄົນ ມັກດື່ມເຄື່ອງດື່ມປະເພດເຫຼົ້າກ່ອນນອນ ເພາະຊ່ວຍເຮັດໃຫ້ເຫງົານອນ ແລະຫຼັບໄວກວ່າປົກກະຕິ ແຕ່ແທ້ຈິງແລ້ວນັກໂພຊະນາການບອກວ່າ ແອວກໍຮໍຈະມີລິດເຮັດໃຫ້ຫົວໃຈຈະເຕັ້ນແຮງ ແລະນັ້ນຈະເຮັດໃຫ້ທ່ານຕ້ອງສະດຸ້ງຕື່ນເປັນເທື່ອໆ ຕະຫຼອກໝົດຄືນ ທີ່ເຮັ່ງຮ້າຍໄປກວ່ານັ້ນ ມີລາຍງານຢືນຢັນວ່າ ປະເພດເຫຼົ້າເຮັດໃຫ້ອັດຕາການນອນກົນເພີ່ມຂຶ້ນອີກດ້ວຍ.

ທີ່ມາ: ເສກຖະກິດ-ສັງຄົມ