ມີສັບພະຄຸນທາງດ້ານຂັບປັດສະວະ ແຖມຍັງສາມາດຫຼຸດອາການບວມນໍ້າ ແລະມີແຄລຣີຕໍ່າ ບໍ່ເຮັດໃຫ້ອ້ວນ ແລະຍັງຊ່ວຍເລື່ອງການຂັບຖ່າຍ ຊ່ວຍຂັບສານພິດອອກຈາກຮ່າງກາຍໄດ້.

2 ຫົວກະທຽມ

ຫົວກະທຽມມີສັບພະຄຸນໃນການຕໍ່ຕ້ານມະເຮັງ ຊ່ວຍຫຼຸດລະດັບຄໍເຣດສະເຕີລອນ ຊ່ວຍປົກປ້ອງການເກີດເສັ້ນເລືອດອັດຕັນ.

3 ບ໊ອກໂຄລີ່ (ດອກຜັກ)

ເປັນຜັກທີ່ມີແຄວຊຽມສູງຫຼາຍ ແລະເໝາະກັບຜູ້ທີ່ມີຄໍເຣດສະເຕີລອນສູງອີກດ້ວຍ ແລະຍັງຊ່ວຍປ້ອງກັນການເກີດໂລກມະເຮັງຕ່າງໆ ແລະວິທີການເກັບວິຕາມິນ ແຮ່ທາດຫຼາກຫຼາຍທີ່ມີໃນບ໊ອກໂຄລີ່ ຄືເລືອກໃຊ້ວິທີການເດັດຜັກ ບໍ່ຄວນໃຊ້ວິທີການຊອຍ ແລະບໍ່ຫຼີກລ່ຽງການຕົ້ມຜັກເປັນເວລາດົນນານ.

4 ແຄລອດ

ອຸດົມໄປດ້ວຍວິຕາມິນ ແລະແຮ່ທາດທີ່ມີປະໂຫຍດຫຼາຍຢ່າງ ແລະຍັງມີສານສໍາຄັນຄືສານ ຟອລຄາຣິນອລ ຊຶ່ງຊ່ວຍຕໍ່ຕ້ານເຊວ ແລະມະເຮັງໄດ້ອີກ ຊ່ວຍຫຼຸດລະດັບຄໍເຣດສະເຕີລອນໃນຮ່າງກາຍ ຊຶ່ງຊ່ວຍເພີ່ມປະສິດທິພາບໃນລະບົບໄຫຼວຽນຂອງເລືອດ ມີສານຕໍ່ຕ້ານອະນຸມູນອິດສະຫຼະ ຊຶ່ງມີສ່ວນຊ່ວຍໃນການແກ່ໄວ ແລະການເກີດຮອຍຮ່ຽວຍານແຫ່ງໄວໄດ້ເປັນຢ່າງດີ.

5 ເຂົ້າໂອດ

ປ້ອງກັນໂລກຫົວໃຈໄດ້ ຊ່ວຍຫຼຸດຄໍເຣດສະເຕີລອນ ອຸດົມໄປດ້ວຍວິຕາມິນອີ ແລະຊ່ວຍໃນການຫຼຸດຄວາມເຂັ້ມແຂງຂອງເຣດສະເຕີລອນໃນເລືອດ.

6 ໝາກຖົ່ວຊະໜິດຕ່າງໆ

ຊ່ວຍໃນການຫຼຸດຄວາມເຂັ້ມແຂງຂອງຄໍເຣດສະເຕີລອນ ເປືອກຫຸ້ມເມັດແບ່ງໄດ້ເປັນສອງຊະນິດ ຊະນິດບໍ່ລະລາຍໃນນໍ້າ ແລະຍັງຈະຊ່ວຍເພີ່ມໃຍອາຫານ ແລະອູ້ມນໍ້າ ເຮັດໃຫ້ເຮົາຂັບຖ່າຍເປັນປົກກະຕິ ແລະຊະນິດລະລາຍນໍ້າ ຊ່ວຍຫຼຸດຄໍເຣດສະເຕີລອນໃນເລືອດ.

7 ໝາກຖົ່ວເຫຼືອງ

ສັບພະຄຸນຊ່ວຍປົກປ້ອງການອັດຕັນໃນເສັ້ນເລືອດໄດ້ ຊຶ່ງກົດໄຂມັນບໍ່ອີ່ມຕົວໃນເຫຼືອງສາມາດຊ່ວຍຫຼຸດລະດັບຄໍເຣດສະເຕີລອນໄດ້.

8 ໝາກຖົ່ວຂຽວ

ໝາກຖົ່ວຂຽວອຸດົມໄປດ້ວຍວິຕາມິນອີ ຊຶ່ງເປັນສານຕໍ່ຕ້ານອະນຸມຸນອິດສະຫຼະ ທີ່ຊ່ວຍຮັກສາ ແລະສ້າງຄວາມແຂງແຮງໃຫ້ກັບເຊວຜິວໜັງ ຊ່ວຍເພີ່ມຄວາມຊຸ່ມຊື່ນໃຫ້ແກ່ຜິວ ແລະຍັງຊ່ວຍປົກປ້ອງຜິວຈາກມົນລະພາວະອີກດ້ວຍ.

9 ໝາກເລັ່ນ

ໝາກເລັ່ນ ນອກຈາກຈະເປັນທີ່ນິຍົມກັນກິນຫຼາຍທີ່ສຸດໃນໂລກແລ້ວ ປະໂຫຍດຂອງໝາກເລັ່ນຍັງມີຢູ່ຈໍານວນຫຼາຍ ເພາະອຸດົມໄປດ້ວຍວິຕາມິນ ແລະແຮ່ທາດຢູ່ຫຼາຍຊະນິດທີ່ມີປະໂຫຍດຕໍ່ຮ່າງກາຍເຊັ່ນ ວິຕາມິນຊີ ວິຕາມິນເອ, ວິຕາມິນເຄ, ວິຕາມິນພີ, ວິຕາມິນບີ 1, ວິຕາມິນບີ 2, ທາດແຄວຊຽມ, ທາດຟົດສະຟໍ ແລະທາດເຫຼັກ ໂດຍໝາກເລັ່ນຂະໜາດປານກາງນັ້ນຈະມີປະລິມານຂອງວິຕາມິນຊີເຄຶ່ງໜຶ່ງຂອງໝາກສົ້ມໂອທັງໜົດໜ່ວຍ ແລະໝາກເລັນໜຶ່ງໜ່ວຍມີປະລິມານວິຕາມິນເອທີ່ຮ່າງກາຍຕ້ອງການຈຳນວນ 1 ໃນ 3 ຂອງວິຕາມິນເອທີ່ຮ່າງກາຍຕ້ອງການຕໍ່ມື້ ແລະຍັງມີສານຈຳພວກ ໄລໂຄພີ່ນ (Lycopene) ແຄໂລທີນອຍ ເບຕ້າແຄໂລທີນ ແລະກົດອະມີໂນ ເປັນຕົ້ນ ແລະໝາກເລັນຍັງມີສັບພະຄຸນເປັນຢາຮັກສາໂລກໄດ້ອີກດ້ວຍ ເຊັ່ນ ຊ່ວຍປ້ອງກັນການແຂງຕົວຂອງຫຼອດເລືອດ, ຂັບປັດສະວະ, ຮັກສາຄວາມດັນເປັນຕົ້ນ.

ທີ່ມາ: ເສດຖະກິດ-ສັງຄົມ