ວິຕາມິນ B1 ມີບົດບາດສຳຄັນຫຼາຍກ່ວາທຸກຄົນເຂົ້າໃຈ ເພາະຢ່າງທີ່ຮູ້ກັນວ່າຫາກຂາດ ວິຕາມິນ B1 ແລ້ວ ເຮົາຈະມີອາການມຶນຊາ ຫຼື ເອີ້ນອີກຊື່ໜຶ່ງວ່າ beriberi (ໂຣກເໜັບຊາ ຊື ພາສາໄທ) ເຊິ່ງອາການຂອງໂຣກນີ້ຈະເຕືອນໃຫ້ເຮົາຮູ້ວ່າຮ່າງກາຍຂອງເຮົາກຳລັງຂາດວິຕາມິນ B1 ແຕ່ການຂາດວິຕາມິນ B1 ນັ້ນ ບໍ່ພຽງແຕ່ຈະເປັນໂຣກນີ້ເທົ່ານັ້ນມັນຍັງກໍ່ໃຫ້ເກີດໂຣກອື່ນໆອີກ ຖ້າຫາກຄົນໃດຂາດວິຕາວິນ B1 ຫຼາຍເກີນໄປອາດເຮັດໃຫ້ເສຍຊີວິດໄດ້
ອາການຂາດວິຕາມິນ B1 ທີ່ສັງເກດໄດ້ວ່າຮ່າງກາຍກຳລັງຮ້ອງຫາວິຕາມິນເພີ່ມ ໂດຍສາມາດພົບສັນຍານຕໍ່ໄປນີ້:
1. ອາການມືນຊາປາຍມື, ປາຍຕີນ ຫຼື ອາດຮູ້ສຶກເຈັບເລັກໜ້ອຍຮ່ວມນຳ.
2. ອ່ອນເພຍ ແລະ ເມື່ອຍງ່າຍ ຫຼື ມີອາການຫອບເມື່ອຍ.
3. ເບື່ອອາຫານ.
4. ທ້ອງອືດ ຫຼື ຖອກທ້ອງ.
5. ມີອາການຈັງຕາມມື, ຕີນຂຶ້ນເລື້ອຍໆ ຫຼື ເຈັບສົ້ນນ່ອງ ແລະ ແຂນຂາບໍ່ມີແຮງ.
6. ປັດສະວະໜ້ອຍລົງ.
7. ອາລົມປ່ຽນແປງເລື້ອຍໆ.
8. ນ້ຳໜັກຫຼຸດລົງ.
9. ຫົວໃຈເຕັ້ນຜິດຈັງຫວະ ຫຼື ຫົວໃຈລົ້ມເລວ.
ນອກຈາກນີ້, ອາການຂາດວິຕາມິນ B1 ແມ່ນຂຶ້ນຢູ່ກັບປະລິມານການຂາດວິຕາມິນຂອງແຕ່ລະບຸກຄົນນຳ ເພາະຖ້າມີພາວະຂາດວິຕາມິນ B1 ພຽງເລັກໜ້ອຍກໍ່ອາດຈະເຮັດໃຫ້ເກີດອາການມືນຊາ ແລະ ອ່ອນເພຍໃຫ້ຮູ້ສຶກໄດ້ເຊັ່ນກັນ.
ວິຕາມິນເປັນສິ່ງທີ່ສຳຄັນຕໍ່ຮ່າງກາຍຂອງຄົນເຮົາ ສະນັ້ນການດູແລສຸຂະພາບຂອງຕົນເອງທີ່ເຮັດໄດ້ງ່າຍທີ່ສຸດແມ່ນເລີ່ມຈາກການກິນ, ໂອກາດໜ້າພວກເຮົາຈະມາເວົ້າເລື່ອງ ຄຸນປະໂຫຍດຂອງວິຕາມິນອື່ນໆທີ່ຍັງເຫຼືອ ເຊິ່ງຈະເປັນແນວໃດນັ້ນຕ້ອງຕິດຕາມກັນຕໍ່ໄປ
ຂໍ້ມູນຈາກ: http://health.kapook.com/
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!