ໃນວັນທີ 12/05/2016 ເວລາປະມານ 15:13ໂມງ (ວານນີ້) ມີປະຊາຊົນໄດ້ໄປພົບສົບເພດຊາຍ ອາຍຸປະມານ 35-40ປີ ຮູບຮ່າງສັນຖານເປັນຄົນຈ່ອຍສູງ ນອນຕາຍທີ່ປ່າຫຍ້າເຊິ່ງບໍ່ໄກຈາກເສັ້ນທາງໃຫຍ່ ຫຼາຍປານໃດ ຈຸດພົບສົບແມ່ນເສັ້ນທາງເຂດບ້ານດົງໂພນແຮ່ (ເສັ້ນທາງ450 ປີ) ດັ່ງນັ້ນປະຊາຊົນບໍລິເວນນັ້ນຈິ່ງໄດ້ແຈ້ງໄປທີ່ ໜ່ວຍກູ້ໄພ ມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ເບີ 1623 ເພື່ອມາກວດສອບ ແລະ ເກັບມ້ຽນສົບຜູ້ເສຍຊີວິດ ໃນການກວດສອບເບື້ອງຕົ້ນແມ່ນບໍ່ພົບຂໍ້ມູນ ຫຼື ເອກະສານໃດໆຕິດໂຕຜູ້ເສຍຊີວິດ ທີ່ຈະສາມາດຕິດຕໍ່ຫາຍາດພີ່ນ້ອງຜູ້ເສຍຊີວິດໄດ້ເລີຍ ຫຼັງຈາກນັ້ນທາງໜ່ວຍກູ້ໄພມູນນິທິເລີຍນຳສົ່ງສົບດັ່ງກ່າວໄປຝາກໄວ້ທີ່ໂຮງເຢັນໂຮງໝໍເສດຖາຖິຣາດ ເພື່ອລໍຖ້າຍາດຂອງຜູ້ກ່ຽວມາຕິດຕໍ່ເອົາສົບກັບໄປເຮັດພິທີທາງສາດສະໜາ ສ່ວນສາເຫດການຕາຍນັ້ນຍັງຕ້ອງໄດ້ມີການສືບສວນຂອງເຈົ້າໜ້າທີ່ຕໍ່ໄປ
ສຳລັບໃຜທີ່ຄິດວ່າຮູ້ຈັກຜູ້ຕາຍໃນພາບນີ້ເປັນເພື່ອນ, ເປັນຍາດຂອງຜູ້ຕາຍແມ່ນສາມາດຕິດຕໍ່ຮັບສົບຜູ້ກ່ຽວໄດ້ທີ່ ໜ່ວຍກູ້ໄພ ມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ເບີ 1623 ໄດ່້ຕະຫຼອດ 24 ຊົ່ວໂມງ.
ທາງທີມງານຂອງພວກເຮົາຂໍໃຫ້ດວງວິຍານຂອງຜູ້ເສຍຊີວິດໄປສູ່ສຸຂະຕິເຖີ້ນ
ສຳລັບຄົນທີ່ຮູ້ຂ່າວນີ້ແລ້ວຊ່ວຍບອກຕໍ່, ແຊຣຕໍ່ເພື່ອ ເພື່ອນ ຫຼື ຍາດຂອງຜູ້ຕາຍຈະໄດ້ຮັບຊາບຂ່າວນີ້ດ້ວຍ
ຂອບໃຈພາບຈາກ: ມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ ໄດ້ຮັບແຈ້ງເຫດທາງເບີ 1623