ນັກຮຽນ ການາດາ ອາຍຸ 15 ປີຄົ້ນພົບເມືອງບູຮານຂອງເຜົ່າມາຢາ ຈາກການສຶກສາຕຳແໜ່ງດວງດາວດ້ວຍຕົນເອງ
ວິນລຽມ ກາດູຣີ ນັກຮຽນຊາຍ ການາດາ ອາຍຸ 15 ປີ ໄດ້ຄົ້ນພົບເມືອງບູຮານທີ່ຫາຍສາບສູນໄປຂອງເຜົ່າມາຢາ ຊຸກເຊື່ອງຢູ່ໃນປ່າເລິກຂອງ ປະເທດ ແມັກຊິໂກ ໂດຍໃຊ້ວິທີຄຳນວນຈັບຄູ່ຕຳແໜ່ງດວງດາວ ກັບຕຳແໜ່ງທີ່ຕັ້ງເມືອງຂອງຊົນເຜົ່າມາຢາເທິງໂລກ
ວິນລຽມ ມີຄວາມຫລົງໄຫລເລື່ອງອາລະຍະທຳບູຮານຂອງຊາວ ມາຢາ ຫລັງຈາກໄດ້ອ່ານຫນັງສື ກ່ຽວກັບຄຳທຳນາຍເລື່ອງວັນສິ້ນໂລກຂອງຊົນເຜົ່າບູຮານກຸ່ມນີ້ ແລະ ໃຊ້ເວລາວັນລະຫລາຍຊົ່ວໂມງສຶກສາແຜນພາບກຸ່ມດາວແລະແຜນທີ່ຕັ້ງເມືອງຕ່າງໆຂອງຊາວມາຢາ ຈົນວັນໜຶ່ງເຂົາຕ້ອງຕົກຕະລຶງເມື່ອພົບວ່າຕຳແໜ່ງດາວແລະຕຳແໜ່ງທີ່ຕັ້ງເມືອງຂອງຊາວມາຢາ ມີຄວາມກ່ຽວຂ້ອງກັນ ຊຶ່ງເປັນການຄົ້ນພົບຄັ້ງທຳອິດທີ່ບໍ່ເຄີຍມີນັກວິຊາການ ຫລື ຜູ້ຊ່ຽວຊານຄົນໃດຄົ້ນພົບທິດສະດີນີ້ມາກ່ອນ
ຂ່າວຈາກ: ສຳນັກຂ່າວເອບີຊີ