ນາງ ຣາເຊລ ນອດລີ ປະທານທີ່ປຶກສາລັດແອບເບີຕາຂອງການາດາ ກ່າວວ່າ ບໍລິສັດນໍ້າມັນທີ່ຕ້ອງລະງັບການຜະລິດຊົ່ວຄາວຈາກໄຟປ່າໃນເມືອງຟອດເມີເຣ ຈະສາມາດກັບມາດຳເນີນການຜະລິດໄດ້ໃນບໍ່ເທົ່າໃດວັນ ຫຼື ບໍ່ເທົ່າໃດອາທິດ.
ປະທານທີ່ປຶກສາລັດແອລເບີຕາກ່າວພາຍຫຼັງພົບປະຫາລືກັບຜູ້ບໍລິຫານບໍລິສັດນໍ້າມັນວ່າ ທຸກຢ່າງໃນເມືອງຈະຕ້ອງພ້ອມດ້ວຍປັດໄຈຕ່າງໆກ່ອນເຊັ່ນ ເສັ້ນທາງເດີນລົດທ້ອງຖິ່ນຈະຕ້ອງປອດໄພ ຊຶ່ງຄົນງານຫຼາຍພັນຈະສາມາດກັບເຂົ້າເຮັດວຽກໄດ້ ລວມທັງໂຮງພະຍາບານ ແລະ ຄລີນິກຈະໄດ້ເປີດບໍລິການອີກ ກ່ອນໜ້ານີ້ ຄົນງານຫຼາຍພັນຄົນຊຶ່ງອາໄສຢູ່ໃນແຫຼ່ງຜະລິດນໍ້າມັນຂອງເມືອງໄດ້ຮັບການຍ້າຍອອກຈາກພື້ນທີ່ເຂດໄຟປ່າ ໂດຍຈະໄດ້ຮັບການອົບພະຍົບທາງລົດ, ລົດໂດຍສານ, ລົດໄຟ ແລະ ເຮືອບິນທາງດ້ານສຳນັກພະລັງງານລັດແອລເບີຕາຈະເປັນຜູ້ດຳເນີນການຄວບຄຸມໃນກະບວນການຜະລິດນໍ້າມັນອີກ, ນາຍົກລັດຖະມົນຕີຈັສຕິນ ທຣູໂດຂອງການາດາ ກ່າວວ່າ ຈະໄປຢ້ຽມຢາມເມືອງຟອດເມີເຣໃນວັນສຸກນີ້ ແລະ ຍ້ອງຍໍປະຕິບັດການຮັບມືລ່ວງໜ້າໃນການອົບພະຍົມປະຊາຊົນ 100.000 ຄົນໄດ້ແບບປອດໄພ ລັດຖະບານກາງການາດາໃຫ້ສັນຍາວ່າຈະຊ່ວຍເຫຼືອລັດແອເບີຕາໃນການພື້ນຟູເສດຖະກິດ.