ສຳລັບຜູ້ທີ່ມີພື້ນທີ່ບໍ່ຫຼາຍໃນການປູກເຂົ້າ ເປັນອີກທາງເລືອກໜຶ່ງທີ່ສາມາດນຳມາປະຕິບັດຕົວຈິງໄດ້ ວິທີເຮັດກໍ່ບໍ່ຍາກ ທົດລອງເຮັດເບິ່ງເດີ້ ສຳລັບຄົນທີ່ຮຽນເຮັດໃໝ່ກໍ່ລອງເຮັດນ້ອຍໆເບິ່ງກ່ອນ ບາດເຫັນຜົນແລ້ວຈິ່ງຄ່ອຍຂະຫຍາຍອອກກໍ່ໄດ້
ຂັ້ນຕອນການເລືອກແທ໋ງນ້ຳ
1. ແທ໋ງທີ່ຈະໃຊ້ຕ້ອງມີຄວາມສູງປະມານ 50 ຊມ, ຂະໜາດ 3×4 ແມັດ
2. ນຳສີມັງມາປູພື້ນໃນແທ໋ງໃຫ້ສູງຂຶ້ນປະມານ 2-3 ນິ້ວ ເຮັດການສາບປູນກັນຮົ່ວ ຄວນປະສົມປູນນ້ຳຢາກັນຊຶມພ້ອມ ແລ້ວສາບທັບອີກ 2-3 ຄັ້ງ ເພື່ອປ້ອງກັນການຮົ່ວຊຶມ
ຂັ້ນຕອນການປະສົມດິນ ແລະ ປູກເຂົ້າ
1.ນຳດິນມາໃສ່ໃນແທ໋ງໃຫ້ສູງ 30 ຊມ ນຳປຸ໋ຍໝັກຊີວະພາບມາໃສ່ 1 ກຳມື ຕໍ່ 1 ແມັດ ແຊ່ນ້ຳພໍປຽກໆໄວ້ປະມານ 2-3 ວັນ ປັບດິນໃຫ້ສະເໝີກັນກ່ອນນຳກົກເຂົ້າມາດຳໃສ່
2.ນຳເຂົ້າປູກອາຍຸປະມານ 120 ວັນ ມາຊຳກ້າ ເຮັດການຊຳກ້າເຂົ້າໄວ້ປະມານ 15-20ວັນ ຈິງນຳມາປັກດຳໃນແທ໋ງ ດຳກ້າ 3 ຕົ້ນ/ 1ກໍ ດຳຫ່າງຈາກຂອບແທ໋ງ 3 ນິ້ວ ແລະ ແຕ່ລະກໍດຳຫ່າງກັນ 8 ນິ້ວ
ການດູແລ
ວັດຖຸດິບມີ: ກ້ວຍສຸກ 5 ກິໂລ, ໝາດຫຸ່ງ 5 ກິໂລ, ໝາກອຶ 5 ກິໂລ, ກາກນ້ຳຕານ 10 ລິດ, ຫົວເຊື້ອ 5 ລິດ, ພົດ 2. 1ຊອງ,
– ນຳໝາກໄມ້ທັງໝົດມາຊອຍ, ມາຟັກເປັນຕ່ອນນ້ອຍໆ ແລ້ວນຳໄປປະສົມກາກນ້ຳຕານ 10 ລິດ, ຫົວເຊື້ອ 5 ລິດ, ນຳພົດ 21 ຊອງ ລະລາຍໃນນ້ຳ 150 ລິດ ປະສົມທຸກຢ່າງເຂົ້າກັນ ແລະ ໝັກໄວ້ 3 ເດືອນ
ສູດນ້ຳໝັກກຳຈັດປ້ອງກັນໄລ່ແມງໄມ້
1.ໝາກເພັດສົດ 1 ດິໂລ
2.ຫົວກະຊ່າຍ 1 ກິໂລ
3.ໝາກຂີ້ຫູດ 50 ໝ່ວຍ
4.ກາກນ້ຳຕານ 5 ລິດ
5.ນ້ຳໝັກຫົວເຊື້ອ 5 ລິດ
6.ນ້ຳສົ້ມຄັວນໄມ້ 5 ລິດ