ການແຂ່ງຂັນຂອງຕະຫຼາດການບິນໃນອາຊຽນ ຖືວ່າເລີ່ມເຂັ້ມຂຸ້ນຫລັງການເປີດປະຊາຄົມເສດຖະກິດອາຊຽນບໍ່ເທົ່າໃດເດືອນມານີ້ ໂດຍສະເພາະກໍແມ່ນ ການບຸກເຂົ້າສູ່ຕະຫລາດສປປລາວຂອງສາຍການບິນຕົ້ນທຶນຕໍ່າແອເອເຊຍ ແລະ ມີອີກສາມສີ່ສາຍການບິນທີ່ຈະບິນກົງເຂົ້າສູ່ປະເທດພວກເຮົາແຕ່ນີ້ຫາທ້າຍປີ.
ຂະນະທີ່ກົມການບິນພົນລະເຮືອນ ກຳນົດ 4ສະຫນາມບິນ ໃນນີ້ມີ ສະໜາມບິນສາກົນ (ວັດໄຕ, ຫຼວງພະບາງ, ສະຫວັນນະເຂດ ແລະ ປາກເຊ) ເຊິ່ງປະຕິບັດຕາມສັນຍາຫຼາຍຝ່າຍອາຊຽນວ່າດ້ວຍການຂົນສົ່ງຜູ້ໂດຍສານ ແລະ ສິນຄ້າທາງອາກາດຢ່າງເສລີເຕັມຮູບແບບ ກໍ່ຄືສັນຍາກັບບັນດາປະເທດຄູ່ເຈລະຈາ.
ຂ່າວຈາກ: ເສດຖະກິດ-ການຄ້າ