ຫຼາຍຂົງເຂດໃນບ້ານເຮົາຊ່ວງນີ້ຈະມີອາກາດຮ້ອນອົບເອົ້າຫຼາຍ ຈົນເຮັດໃຫ້ບາງຄົນເກີດທີອາການວິນວຽນ, ໜ້າມືດ ເປັນລົມໄດ້

ການໜ້າມີດເປັນວິນ ເກີດຈາກການທີ່ເລືອດໄປລໍ່ລ້ຽງສະໝອງບໍ່ພຽງພໍ ຈະເປັນຊ່ວງເວລາສັ້ນໆ ເປັນສັນຍານເຕືອນເຖິງໂຣກອັນຕະລາຍ ຖ້າມີອາການນີ້ເມື່ອໃດທ່ານກໍ່ຄວນຫາເວລາໄປກວດສຸຂະພາບແນ່ກໍ່ດີ ແລະ ຍັງມີອີກຫຼາຍສາເຫດຂອງການເປັນວິນທີ່ບໍ່ໄດ້ເກີດຈາກພະຍາດ ແຕ່ອາດເປັນຍ້ອນສິ່ງແວດລ້ອມເຊັ່ນ: ອາການເສຍໃຈ, ການສູນເສຍນ້ຳໃນຮ່າງກາຍຫຼາຍ, ອາກາດຮ້ອນ ແລະ ບໍ່ຖ່າຍເທ ຮ່າງກາຍອ່ອນເພຍເນື່ອງຈາກພັກຜ່ອນບໍ່ພຽງພໍ ຖ້າເປັນຈາກສາເຫດເຫຼົ່ານີ້ແມ່ນບໍ່ອັນຕະລາຍ

ສິ່ງທີ່ຄວນປະຕິບັດ
– ບໍ່ຄວນຢູ່ບ່ອນສະຖານທີ່ອາກາດຮ້ອນ ຫຼື ບ່ອນແອອັດ
– ບໍ່ຄວນໃຫ້ຮ່າງກາຍເສຍນ້ຳ ຫຼື ເກືອແຮ່ຫຼາຍເກີນໄປ
– ບໍ່ຄວນກິນອາຫານໃນປະລິມານຫຼາຍໃນຄາບດຽວ ແລະ ບໍ່ຄວນດື່ມສິ່ງມຶນເມົາຫຼາຍເກີນໄປ
– ບໍ່ຄວນອອກກຳລັງໜັກເກີນໄປ
– ຢາບາງຊະນິດເຊັ່ນ: ຢາຫລຸດຄວາມດັນ, ຢາຂັບປັດສະວະ ຖ້າມີອາການດັ່ງກ່າວຫຼັງໃຊ້ຢາຄວນໄປປຶກສາແພດ
– ຫຼີກລ່ຽງອາຫານທີ່ມີໄຂມັນສູງ ເພາະອາຫານພວກນີ້ຈະເຮັດໃຫ້ຫຼອດເລືອດຂອງເຮົາຕີບ ແລະ ເຮັດໃຫ້ເປັນວິນໄດ້

4 ວິທີແກ້ອາການວິນວຽນ, ນ້າມືດ ຕາລາຍ ເປັນລົມ

1. ນອນພັກຜ່ອນກ່ອນ ແລ້ວດື່ມນ້ຳອຸ່ນຫຼາຍໆ

2. ກິນອາຫານໃຫ້ຕົງເວລາ ແລະ ກິນໃນປະລິມານພໍດີ

3. ປ່ຽນທ່າເປັນປະຈຳເຊັ່ນ: ປ່ຽນທ່ານັ່ງ, ທ່ານອນ, ທ່າຢືນ, ທ່າຍ່າງ ບໍ່ຄວນຢູ່ທ່າດຽວໃນເວລາດົນໆ

4. ການດົມຢາຫອມ: ເຊັ່ນຢາດົມ, ຢາມ່ອງ ເຊິ່ງພວກນີ້ຈະຊ່ວຍຜ່ອນຄາຍອາການວິນຫົວໄດ້ເປັນຢ່າງດີ

ຫາກທ່ານເຮັດວິທີທີ່ກ່າວມາຂ້າງເທິງນີ້ແລ້ວ ທ່ານຍັງມີອາການວິນວຽນຫົວຢູ່ຕະຫຼອດຄືເກົ່າ ທ່ານຄວນໄປພົບແພດເພື່ອຮັບການຮັກສາ