ຜູ້ອ່ານຫຼາຍທ່ານອາດກຳລັງປະສົບບັນຫາການນຳໃຊ້ອຸປະກອນມືຖືບໍ່ວ່າຈະເປັນສະມາດໂຟນ ຫຼື ແທັບເລັດແລ້ວມີອາການຮ້ອນ ຊຶ່ງສາເຫດຫຼັກໆນັ້ນມັກຈະເກີດມາຈາກ
ການທີ່ອຸປະກອນເຫຼົ່ານັ້ນຖືກນຳໃຊ້ເປັນເວລາດົນຕິດຕໍ່ກັນເຊັ່ນການຫຼິ້ນເກມສາມມິຕິ, ເບິ່ງຮູບເງົາ, ເບິ່ງລະ ຄອນ, ເບິ່ງຄລິບເທິງສະມາດໂຟນ, ຟັງເພງ ເປັນຕົ້ນ ຈິ່ງສົ່ງຜົນໃຫ້ບັນ ດາໜ່ວຍປະມວນຜົນ ຫຼື ໜ່ວຍກຣາຟິກ ໃນມືຖືເຮັດວຽກໜັກ ແລະເກີດຄວາມຮ້ອນຕາມມານັ້ນເອງ ແຕ່ກໍມີໃນບາງກໍລະນີທີ່ຜູ້ໃຊ້ງານນັ້ນພົບວ່າສະມາດໂຟນ ຫຼື ແທັບເລັດຮ້ອນຜິດປົກກະຕິ ຊຶ່ງອາດຈະມີສາເຫດມາ ຈາກບັນຫາອື່ນໆນຳອີກ ດັ່ງນັ້ນ ມື້ນີ້ຄໍລຳຜ່າໂລກໄອທີຈິ່ງໄດ້ນຳເອົາສາເຫດ ແລະວິທີແກ້ບັນຫາມືຖືຮ້ອນມາຝາກ.
ວິທີແກ້ບັນຫາມືຖືຮ້ອນ
- ເຄຣຍແຣມ (Ram)
ການເຄຣຍແຣມນັ້ນກໍຄືການປິດການເຮັດວຽກຂອງລະບົບຕ່າງໆ ລວມເຖິງແອບພລິເຄເຊິນບາງຕົວຊຶ່ງວິທີນີ້ຈະເຮັດໃຫ້ມືຖືຂອງເຮົານັ້ນ ເຮັດວຽກໜ້ອຍລົງນັ້ນເອງ
- ຖອນແອັບພລິເຄເຊິນທີ່ບໍ່ໄດ້ໃຊ້ອອກ
ແອບພລິເຄເຊິນບາງຕົວນັ້ນຫາກເຮົາບໍ່ໄດ້ໃຊ້ງານກໍຄວນຖອດການ ຕິດຕັ້ງອອກແດ່ເນື່ອງຈາກແອັບພລິເຄເຊິນບາງຕົວນັ້ນອາດຈະມີການ ເຮັດວຽກຢູ່ເບື້ອງຫຼັງໂດຍທີ່ເຮົາຍັງບໍ່ໄດ້ເປີດແອັບຕົວນັ້ນຂຶ້ນມາໃຊ້ຊ້ຳ
- ກວດສະພາບແບັດເຕີຣີ
ແບັດເຕີຣີນັ້ນມີອາຍຸການນຳໃຊ້ຂອງມັນ ຊຶ່ງຫາກເຮົາໃຊ້ແບບຜິດໆ ເຊັ່ນສາກໄປຫຼິ້ນໄປ ກໍອາດເຮັດໃຫ້ອາຍຸການນຳໃຊ້ ຫຼື ປະສິດທິພາບຂອງ ແບັດເຕີຣີຫຼຸດລົງສົ່ງຜົນໃຫ້ມີການເຮັດວຽກຜິດປົກກະຕິເຊັ່ນອາກາດ ແບັດເຕີຣີຮ້ອນໄວຂຶ້ນໃນອະນາຄົດໄດ້
- ລອງເປີດ-ປິດເຄື່ອງໃໝ່
ບາງຄັ້ງເຄື່ອງອາດເກີດບັກ ຫຼື ການຄ້າງຂອງແອັບພລິເຄເຊິນບາງ ຕົວທີ່ເປັນສາເຫດໃຫ້ເກີດການດຶງຊີພີຢູ ມາໃຊ້ງານໃນປະລິມານຫຼາຍໆ ຈິ່ງສົ່ງຜົນໃຫ້ເຄື່ອງເຮັດວຽກໜັກນັ້ນເອງ
- ຕັ້ງຄ່າ ຄືນຄ່າໂຮງງານ
ເປັນການຄືນຄ່າການຕັ້ງຄ່າແບບງ່າຍທີ່ສຸດ ຫຼື ຈະຮຽກໃຫ້ເຂົ້າໃຈ ງ່າຍໆກໍຄືກັບການລ້າງເຄື່ອງນັ້ນແຫຼະ
- ເຄສມືຖືບໍ່ໄດ້ມາດຕະຖານ
ການໃສ່ເຄສມືຖືນັ້ນເປັນການຫໍ່ຫຸ້ມເຄື່ອງໄວ້ອີກຊັ້ນ ຈິ່ງເຮັດໃຫ້ເກີດ ຄວາມຮ້ອນສະສົມໄດ້ງ່າຍກວ່າ ແລະຍິ່ງເຄສບາງຕົວນັ້ນບໍ່ໄດ້ຜະລິດ ອອກມາຈາກວັດສະດຸຄາຍຄວາມຮ້ອນໄດ້ງ່າຍໆແລ້ວ ຕົວເຄສນັ້ນແຫຼະທີ່ເປັນບັນຫາເຮັດໃຫ້ມືຖືຂອງເຮົາຮ້ອນໄວຍິ່ງຂຶ້ນ
- ປ່ຽນສະຖານທີ່ຫຼິ້ນ
ສິ່ງແວດລ້ອມ ຫຼື ສະພາບອາກາດທີ່ຮ້ອນກໍມີຜົນເຮັດໃຫ້ມືຖືຂອງເຮົານັ້ນຮ້ອນໄວຂຶ້ນອີກດ້ວຍ
ຫວັງວ່າ 7 ວິທີນີ້ ຈະພໍຊ່ວຍເຫຼືອທ່ານຜູ້ອ່ານທີ່ກຳລັງປະສົບບັນຫາມືຖືຮ້ອນໄດ້ແດ່ບໍ່ຫຼາຍກໍໜ້ອຍ ແລະຫາກທ່ານໃດມີວິທີຄັກໆສຳລັບການແກ້ບັນຫາສະມາດໂຟນ ຫຼື ແທັບເລັດຮ້ອນ ກໍສາມາດນຳຂໍ້ມູນມາແບ່ງ ປັນກັນໄດ້.
ຂໍ້ມູນຈາກ: ເສດຖະກິດ-ສັງຄົມ