ຫວັງວ່າທ່ານຍັງຄົງຈຳກັນໄດ້ກ່ຽວກັບຂ່າວທີ່ພວກເຮົາເຄີຍນຳສະເໜີຂ່າວ ຄົນແຂວນຄໍຕາຍໂດຍບໍ່ຮູ້ສາເຫດ ເປັນເພດຊາຍ ອາຍຸປະມານ 14-15 ປີ ປະຈຸບັນຢູ່ບ້ານເມືອງນ້ອຍ ເມືອງໄຊເຊດຖາ ນະຄອນຫລວງວຽງຈັນ ເມື່ອວັນທີ 08/05/2016 ທີ່ີຜ່ານມາ.
ເຊິ່ງກໍ່ມີຜູ້ຄົນຈຳນວນຫຼາຍໃຫ້ຄວາມສົນໃຈກັບຂ່າວນີ້ຕ່າງໆນາໆບໍ່ວ່າຈະເປັນການສະແດງຄວາມໄວ້ອາໄລແກ່ຜູ້ເສຍຊີວິດ, ການສະແດງຄວາມເສຍໃຈແກ່ຄອບຄົວຂອງຜູ້ເສຍຊີວິດ ແລະ ບາງກຸ່ມກໍ່ມີຄຳຖາມເປັນຫຍັງລາວຈິ່ງຄິດແຂວນຄໍຕາຍ
ເຊິ່ງວານນີ້ກໍ່ມີເຟສບຸກໜຶ່ງທີ່ມີຊື່ວ່າ: ລັດ ໂດຣາເອມອນ (ຂຽນເປັນພາສາໄທ) ເຊິ່ງເປັນນ້າສາວຂອງຜູ້ຕາຍ ອອກມາເວົ້າຄວາມຮູ້ຮູ້ສຶກຂອງຕົນທີ່ມີຕໍ່ຜູ້ຕາຍ ແລະ ອອກມາເລົ່າເຖິງແຮງຈູງໃຈທີ່ເຮັດໃຫ້ເດັກຊາຍຄົນດັ່ງກ່າວ (ທ້າວ ຈ່ອຍ) ຄິດຂ້າຕົວຕາຍດ້ວຍການແຂວນຄໍທີ່ປ່ອງຢ້ຽມຄືເຫັນໃນພາບ
ລັດ ໂດຣາເອມອນ ໄດ້ເລົ່າວ່າ:
ທາງທີມງານ ຂໍສະແດງຄວາມເສຍໃຈເຖິງຄອບຄົວນ້ອງອີກຄັ້ງ ແລະ ຂໍໃຫ້ດວງວິນຍານຂອງນ້ອງໄປສູ່ສຸຂະຕິ
ສະຖາບັນຄອບຄົວແມ່ນມີຄວາມລະອຽດອ່ອນຫຼາຍ ຄົນທີ່ພົບບັນຫາລ້ວນແລ້ວແຕ່ຕ້ອງການ ກຳລັງໃຈຈາກຍາດພີ່ນ້ອງໝູ່ເພື່ອນເປັນສິ່ງທີ່ສຳຄັນຫຼາຍທີ່ທຸກຄົນບໍ່ຄວນເບິ່ງຂ້າມ ໂດຍສະເພາະຄົນທີ່ອາຍຸຍັງນ້ອຍ ຍິ່ງຕ້ອງການດູແລເອົາໃຈໃສ່ຈາກຜູ້ເປັນພໍ່ເປັນແມ່, ພໍ່ແມ່ທຸກຄົນຕ້ອງໄດ້ສັງເກດເປັນພິເສດເຖິງພຶດຕິກຳຂອງລູກເປັນປະຈຳ ຫາກເຫັນລຸກມີທ່າທາງທີ່ແປກຕາໄປຄວນມີເວລາສອບຖາມ ແລະ ໃຫ້ຄຳປຶກສາແກ່ລູກ ເພື່ອແບ່ງເບົາຄວາມທຸກທາງຈິດໃຈທີ່ລູກກຳລັງໄດ້ຮັບຢູ່ ເຮັດໃຫ້ລູກໄດ້ມີກຳລັງໃຈຕໍ່ສູ້ຊີວິດຕໍ່ໄປໄດ້ຍ່າງຖືກທາງ, ຖືກຕ້ອງ ແລ້ວບັນຫາໜັກກໍ່ຈະເບົາລົງໄດ້