ສຳນັກຂ່າວຕ່າງປະເທດ ລາຍງານໃນວັນທີ 9 ພຶດສະພານີ້ວ່າ ເຈົ້າໜ້າທີ່ດັບເພີງການາດາ ສາມາດອົບພະຍົບປະຊາຊົນ ປະມານ 88,000 ຄົນ ອອກຈາກເມືອງຟອດແມັກເມີເຣ ລັດແອນເບີຕາ ສຳເລັດແລ້ວເມື່ອວັນທີ 7 ພຶດສະພາຜ່ານມາ ທ່າມກາງສະພາບໄຟປ່າໄໝ້ລາມ ຍັງຄົງເຜົາໄໝ້ຢ່າງຕໍ່ເນື່ອງ ເປັນມື້ທີ 7 ແລ້ວ ແລະ ຄາດວ່າໄຟປ່າດັ່ງກ່າວນີ້ ອາດລຸກລາມເຂົ້າໄປເຂດລັດຊັສແຄດເຊວັນ ທີ່ຢູ່ຫ່າງອອກໄປເຖິງ 80 ກິໂລແມັດອີກດ້ວຍ.  ຮອດປັດຈຸບັນ ທາງການການາດາ ຍັງບໍ່ທັນມີກຳນົດເວລາ ເພື່ອໃຫ້ປະຊາຊົນກັບຄືນສູ່ ເຮືອນຊານຂອງຕົນເອງເທື່ອ ເນື່ອງຈາກຍັງບໍ່ສາມາດມອດໄຟໄດ້.

ເຈົ້າໜ້າທີ່ລະດັບສູງຂອງລັດແອນເບີຕາ ໄດ້ອອກມາປະເມີນວ່າ ອາດຈະຕ້ອງໄດ້ຕໍ່ສູ້ກັບໄຟປ່າຄັ້ງນີ້ ເປັນເວລາອີກຫລາຍເດືອນ, ສ່ວນຄວາມເສຍຫາຍດ້ານຊັບສິນນັ້ນ ອາດເປັນຄວາມສູນເສຍ ທີ່ເກີດຈາກໄພທຳມະຊາດ ຄັ້ງຮຸນແຮງທີ່ສຸດໃນປະຫວັດສາດຂອງປະເທດ ທີ່ຍັງບໍ່ທັນສາມາດປະເມີນຄ່າໄດ້.

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!