ຂປລ. ໃນໂອກາດທີ່ ທ່ານນາງ ດໍສຸສຸ ລິງ ພັນລະຍາ ທ່ານ ອູ ຕິນ ຈໍ ປະທານາທິບໍດີ ແຫ່ງ ສສ ມຽນມາ ໄດ້ ເດີນທາງມາຢ້ຽມຢາມ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 6 ພຶດສະພາ 2016 ນີ້ ທ່ານ ໄດ້ຢ້ຽມຊົມສູນຫັດຖະກຳຜ້າໄໝສອງມືນາງ ທີ່ນະຄອນຫລວງວຽງຈັນ, ຮ້ານດັ່ງກ່າວ ເປັນຮ້ານທີ່ມີຊື່ສຽງ ໃນເລື່ອງຜ້າໄໝ, ສິ້ນໄໝ, ຜ້າຝ້າຍ, ສິ້ນຝ້າຍ ແລະ ເຄື່ອງຫັດຖະກຳອື່ນໆ ເຊິ່ງຮ້ານດັ່ງກ່າວ, ໄດ້ລວບລວມເອົາຜະລິດຕະພັນ ທີ່ເປັນເອກກະລັກຂອງຄົນລາວ ແຕ່ເໜື່ອຮອດໃຕ້ ມາວາງຂາຍຢ່າງຫລວງຫລາຍ ເຊິ່ງ ທ່ານນາງ ດໍສຸສຸ ລິງ ໄດ້ໃຫ້ຄວາມສົນໃຈ ກ່ຽວກັບວັດທະນະທຳ, ຮິດຄອງປະເພນີຂອງລາວ ເປັນຕົ້ນແມ່ນ ການນຸ່ງຖືທີ່ເປັນເອກະລັກຂອງຄົນລາວ. ນອກນັ້ນ, ຍັງໄດ້ເດີນທາງໄປຕະຫລາດເຊົ້າມໍ ເພື່ອເບິ່ງການໃຊ້ຈ່າຍຊື້-ຂາຍ ຂອງຄົນລາວ ແລະ ວິຖີຊີວິດ ການເປັນຢູ່ຂອງຄົນລາວນຳອີກ.
ແຫລ່ງຂ່າວ:
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!