ສຳນັກຂ່າວຕ່າງປະເທດ ລາຍງານໃນວັນທີ 5 ພຶດສະພາຜ່ານມານີ້ວ່າ ຊາວກຳປູເຈຍປະມານ 2.5 ລ້ານຄົນ ກຳລັງປະເຊີນກັບການຂາດແຄນນ້ຳ ເນື່ອງຈາກສະພາວະໄພແຫ້ງແລ້ງ ທີ່ຮຸນແຮງທີ່ສຸດໃນຮອບສະຕະວັດ ໂດຍປັດຈຸບັນລັດຖະບານກຳປູເຈຍ ໄດ້ເລັ່ງແຈກຈ່າຍນ້ຳ ໄປໃຫ້ຜູ້ທີ່ໄດ້ຮັບຜົນກະທົບຈາກໄພແລ້ງແລ້ວ ກວ່າ 80% ຂອງບັນດາເມືອງທີ່ປະສົບໄພ ຊຶ່ງມີເກືອບ 100 ເມືອງທົ່ວປະເທດ.

ນອກຈາກນັ້ນ, ຈາກສະພາບອາກາດທີ່ຮ້ອນອົບເອົ້າ ແລະ ແຫ້ງແລ້ງ ຍັງເຮັດໃຫ້ງົວ ແລະ ຄວາຍຂອງປະຊາຊົນ ໃນແຂວງສະຕຣຶງແຕຣງ ທາງພາກຕາເວັນອອກສຽງເໜືອ ລົ້ມຕາຍແລ້ວຫລາຍກວ່າ 300 ໂຕ ແລະ ຍັງມີປາໃນທະເລສາບຢູ່ແຂວງກຳປົງທົມ ຕາຍອີກປະມານ 65 ໂຕນ ແຕ່ກໍຍັງບໍ່ທັນມີລາຍງານຜູ້ເສຍຊີວິດ ຈາກໄພພິບັດຄັ້ງນີ້ເທື່ອ.

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!