ເລີ່ມລົງມືກໍ່ສ້າງ ເສັ້ນທາງຈີ່ນາຍໂມ້ – ບ້ານຊາຍຟອງ ນະຄອນຫຼວງວຽງຈັນ ຍາວ 14 ກິໂລແມັດ ໃຫ້ເປັນເສັ້ນທາງເບຕົງເສີມເຫລັກ ໂດຍຈະໃຊ້ເວລາກໍ່ສ້າງໃຫ້ສຳເລັດພາຍໃນ 24 ເດືອນ, ຂະນະທີ່ປະຊາຊົນ ສຸດທີ່ດີໃຈ ຫລັງຈາກລໍຄອຍມາດົນ.
ທ່ານ ຄູນສົມບັດ ເຟື້ອຍມະນີວົງ ຫົວໜ້າໂຄງການກໍ່ສ້າງເສັ້ນທາງ ຈີ່ນາຍໂມ້ (ເມືອງສີສັດຕະນາກ) – ບ້ານຊາຍຟອງ (ເມືອງຫາດຊາຍຟອງ) ນະຄອນຫຼວງວຽງຈັນ ກ່າວວ່າ: ໂຄງການກໍ່ສ້າງເສັ້ນທາງເບຕົງເສີມເຫຼັກແຕ່ 3 ແຍກຈີ່ນາຍໂມ້-ບໍ່ໂອ ຫາ 3ແຍກບ້ານທ່າແຂກ-ຊາຍຟອງ ເຊິ່ງມີພະແນກໂຍທາທິການ ແລະ ຂົນສົ່ງ ນະຄອນ ຫຼວງວຽງຈັນເປັນເຈົ້າຂອງໂຄງການ ແລະ ມອບໃຫ້ບໍລິສັດຫາຍຫານການທຸລະກິດ ຈຳກັດ ເປັນຜູ້ຮັບ ເໝົາໃນມູນຄ່າຂອງການກໍ່ສ້າງ 50.4ລ້ານ ໂດລາສະຫະລັດ ຫຼື ປະມານ 403 ຕື້ກີບ ໄດ້ເລີ່ມລົງມືກໍ່ສ້າງ ໂດຍກຳນົດການກໍ່ສ້າງໃຫ້ສຳເລັດພາຍໃນ 24 ເດືອນ.
ໍເສັ້ນທາງດັ່ງກ່າວມີຄວາມຍາວທັງໝົດປະມານ 14 ກິໂລແມັດ ປູດ້ວຍເບຕົງເສີມເຫຼັກດ້ວຍຄວາມໜາປະມານ 23 ຊັງຕີແມັດ ຄວາມກວ້າງຂອງໜ້າທາງ 15 ແມັດ, ທາງຄົນຍ່າງເບື້ອງລະ 1.5 ແມັດ
ຂ່າວຈາກ: ເສດຖະກິດ-ການຄ້າ