ເປັນເລື່ອງທີ່ປະຕິເສດບໍ່ ໄດ້ວ່າສະມາດໂຟນກາຍເປັນສ່ວນ ໜຶ່ງຂອງຊີວິດປະຈຳວັນຂອງຄົນ ເຮົາໄປແລ້ວຮຽບຮ້ອຍແຕ່ທ່ານຮູ້ ຫຼື ບໍ່ວ່າການໃຊ້ສະມາດ ໂຟນເປັນ ເວລາດົນໆ ໂດຍສະເພາະຕອນ ກາງຄືນນັ້ນເປັນການທຳຮ້າຍຕົວຂອງເຮົາເອງ.
ປົກກະຕິແລ້ວ ສະມາດໂຟນຈະ ປ່ອຍແສງສີຟ້າອອກມາ ຊຶ່ງແສງ ຊະນິດນີ້ຈະຊ່ວຍໃຫ້ເຮົາຫຼິ້ນສະ ມາດໂຟນໄດ້ເຖິງວ່າແດດຈະແຮງ ຕະຫຼອດມື້ກໍຕາມແຕ່ໃນຕອນກາງ ຄືນຊຶ່ງເປັນຊ່ວງເວລາທີ່ຮ່າງກາຍ ຈະຫຼັ່ງເມລາໂທນນິນ ຊຶ່ງເປັນໂຮ ໂມນທີ່ເຮັດທີ່ທຳໜ້າທີ່ກ່ຽວກັບ ໂມງຊີວິດຂອງຮ່າງກາຍ ໂດຍ ແສງສີຟ້າຈະເຮັດໃຫ້ສະໝອງ ສ່ວນໄພນຽນແກຣນຢຸດຫຼັ່ງເມລາ ໂທນິນອອກມາເຮັດໃຫ້ເຮົານອນ ບໍ່ຫຼັບນັ້ນເອງ.
ນອກຈາກນອນບໍ່ຫຼັບແລ້ວ ແສງສີຟ້າຍັງສົ່ງຜົນຮ້າຍກັບຮ່າງກາຍອັນອື່ນອີກດ້ວຍ
– ການນອນບໍ່ເປັນເວລາສົ່ງ ຜົນໃຫ້ລະບົບຄວາມຈຳຂອງສະ ໝອງນັ້ນຖືກລົບກວນລະບົບ ຄວາມຈຳເລີ່ມບໍ່ດີ
– ບັນຫາຈາກແສງຂອງສະ ມາດໂຟນກັບການນອນບໍ່ພໍເຮັດ ໃຫ້ສະໜອງຮຽນຮູ້ຊ້າລົງຈົດຈຳ ຍາກຂຶ້ນ
– ການນອນບໍ່ພໍ ຫຼື ບໍ່ເປັນເວລາໃນໄລຍະຍາວຈະເຮັດໃຫ້ເກີດ Neurotoxin ຊຶ່ງຈະເຮັດໃຫ້ການ ນອນຫຼັບນັ້ນຮ້າຍແຮງລົງກວ່າ ເດີມ
– ກຸ່ມຄົນທີ່ມີການຫຼັ່ງສານເມ ລາໂທນິນໜ້ອຍກວ່າປົກກະຕິ ອາດມີອາການຊຶມເສົ້າໄດ້
– ກຸ່ມຄົນທີ່ມີການຫຼັ່ງສານເມ ລາໂທນິນບໍ່ປົກກະຕິຈະສົ່ງຜົນໃຫ້ການຄວບຄຸມໂຮໂມນກຸ່ມທີ່ເຮັດ ໃຫ້ເກີດອາການຫິວຜິດປົກກະຕິ ເຮັດໃຫ້ເກີດໂລກອ້ວນໄດ້
– ກຸ່ມຄົນທີ່ມີການພັກຜ່ອນບໍ່ ພຽງພໍໂດຍໄດ້ຮັບຜົນກະທົບຈາກແສງຂອງໜ້າຈໍສະມາດໂຟນອາດເຮັດໃຫ້ເປັນມະເຮັງເຕົ້ານົມ ແລະ ມະເຮັງຕ່ອມລູກໝາກໄດ້
– ແສງສີຟ້າລວມເຖິງສີອື່ນໆ ເມື່ອໄດ້ຮັບປະລິມານຫຼາຍໆ ອາດ ເຮັດໃຫ້ເກີດຕໍ້ຂຶ້ນໄດ້
– ການທົດສອບພົບວ່າແສງສີຟ້າສົ່ງຜົນກະທົບຕໍ່ການເບິ່ງເຫັນໂດຍການລົບກວນສ່ວນ Retina ຂອງຕາ
ເມື່ອຮູ້ເຖິງບັນຫາທີ່ຈະສົ່ງຜົນ ກັບຮ່າງກາຍຂອງເຮົາແລ້ວການ ໃຊ້ວຽກແຕ່ພໍດີເທົ່າທີ່ຈຳເປັນກໍ ຖືວ່າເປັນທາງແກ້ບັນຫາທີ່ງ່າຍ ແລະໄດ້ຜົນທີ່ດີສຸດ ເພື່ອຮ່າງກາຍ ຂອງເຮົາເອງ.
ຈາກ: ເສດຖະກິດ-ສັງຄົມ