ສຳນັກຂ່າວຕ່າງປະເທດ ລາຍງານໃນວັນທີ 4 ພຶດສະພາຜ່ານມານີ້ວ່າ ປະຊາຊົນຊາວການາດາ ປະມານ 80,000 ຄົນ ທີ່ອາໄສຢູ່ເມືອງຟອດແມັກເມີເຣ ລັດແອນເບີຕາ ປະເທດການາດາ ກຳລັງຂຸ້ນຂ້ຽວອົບພະຍົບໜີຕາຍ ຈາກເຫດການໄຟປ່າໄໝ້ລາມເຂົ້າເຂດຕົວເມືອງ ໂດຍໄຟໄໝ້ປ່າຄັ້ງນີ້ ໄດ້ເລີ່ມຈາກພື້ນທີ່ທາງ ພາກຕາເວັນຕົກສຽງໃຕ້ ແລ້ວໄໝ້ລາມເຂົ້າສູ່ເຂດໃຈກາງເມືອງ ເຮັດໃຫ້ບາງພື້ນທີ່ມີຄວາມເສຍຫາຍເຖິງ 80%.

ດ້ານເຈົ້າໜ້າທີ່ມອດໄຟການາດາ ໄດ້ຖືກສົ່ງເຂົ້າດຳເນີນການມອດໄຟຢ່າງຮີບດ່ວນ ກວມເອົາບໍລິເວນພື້ນທີ່ກວ່າ 26.5 ຕາລາງກິໂລແມັດ ໃນຂະນະທີ່ເຈົ້າໜ້າທີ່ທະຫານ ກໍໄດ້ສົ່ງກຳລັງເຂົ້າໃຫ້ຄວາມຊ່ວຍເຫລືອແກ່ປະຊາຊົນ ຊຶ່ງຄາດວ່າ ອາດຕ້ອງໃຊ້ເວລາອີກ 2 ມື້ ຈົນກວ່າຈະສາມາດຄວບຄຸມສະຖານະການໄວ້ໄດ້.

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!