spot_img
Homeຂ່າວເຫດການມອບ-ຮັບ ໜ້າທີ່ ປະທານກໍາມາທິການຂອງ ສະພາແຫ່ງຊາດ ຫລາຍຕໍາແໜ່ງ!

ມອບ-ຮັບ ໜ້າທີ່ ປະທານກໍາມາທິການຂອງ ສະພາແຫ່ງຊາດ ຫລາຍຕໍາແໜ່ງ!

Published on

ຂປລ. ​ວັນທີ 4 ພຶດສະພາ ນີ້ ຢູ່ສະພາແຫ່ງຊາດ ໄດ້ຈັດພິທີ ມອບຮັບ ໜ້າທີ່ປະທານ ກໍາມາທິການ ຂອງສະພາແຫ່ງຊາດ ຫລາຍຕໍາແໜ່ ລະຫວ່າງ ທ່ານ ພົນຈັດຕະວາ ວິໄລ ດວງມະນີ ປະທານກໍາມາທິການ ປກຊປກສ ຜູ້ເກົ່າແລະ ທ່ານ ພົນຈັດຕະວາ ຄໍາສຸກ ອີນທະວົງ ປະທານກໍາມາທິການປກຊປກສ ຜູ້ໃໝ່, ທ່ານ ຄໍາຊາວໄກຊົງ ອະດີດຮັກສາການ ປະທານກໍາມາທິການ ບັນດາເຜົ່າ ຜູ້ເກົ່າແລະ ທ່ານນາງ ບົວພັນ ລິໄກຢາ ປະທານກໍາມາທິການ ບັນດາເຜົ່າຜູ້​ໃໝ່ ​ໃຫ້ກຽດເຂົ້າຮ່ວມ ໂດຍທ່ານ ພົນໂທແສງນວນໄຊຍະລາດເລຂາທິການສູນກາງພັກ, ຮອງປະທານ ສະພາແຫ່ງຊາດ, ມີບັນດາຫົວໜ້າກົມ, ຮອງກົມແລະ ພະນັກງານວິຊາການ ກ່ຽວຂ້ອງເຂົ້າຮ່ວມ.

ໃນໂອກາດນີ້, ທ່ານ ພົນໂທແສງນວນໄຊຍະລາດໄດ້ໃຫ້ກຽດໂອ້ລົມ, ໄດ້​ສະ​ແດງ​ຄວາມ​ຍ້ອງ ຍໍ​ ຊົມ​ເຊີຍຕໍ່ຜົນງານ ​ທີ່​ບັນດາ​ ກໍາມາ​ທິການ ສາມາດ​ຍາດ​ມາ​ໄດ້​ ໃນ​ໄລຍະ​ທີ່​ຜ່ານ​ມາ ​ແລະ ​ເພື່ອ​ເປັນ​ການ​ສືບ ຕໍ່​ເສີມ​ຂະຫຍາຍຊີ້​ນໍາ​ ນໍາພາ​ວຽກງານ​ຂອງກໍາມາ​ທິການ ​ໃຫ້​ມີຜົນສຳ​ເລັດ​ອັນ​ໃໝ່​ ໃຫຍ່ຫລວງກວ່າ​ເກົ່າ​ນັ້ນ  ຕ້ອງສືບຕໍ່ ​ເອົາ​ໃຈ​ໃສ່​ ປັບປຸງ​ກົງຈັກ​ການຈັດ​ຕັ້ງ ​ໃນ​ກໍາມາ​ທິການ ​ໃຫ້​ມີ​ຄວາມ​ກະທັດ​ລັດ, ສົມ​ເຫດ​ສົມ​ຜົນ, ມີ​ປະສິດທິພາບ ​ແລະ ປະສິດທິ​ຜົນ​ສູງ, ເອົາ​ໃຈ​ໃສ່​ປັບປຸງ ​ລະບຽບ​​ການ​ເຄື່ອນ​ໄຫວ ​ຂອງ​ກໍາມາ​ທິການ​ ໃຫ້​ສອດຄ່ອງ​ກັບ ​ກົດໝາຍ​ສະພາ​ແຫ່ງ​ຊາດ ​ສະ​ປັບ​ປັບປຸງ 2015, ສອດຄ່ອງ​ກັບ​ໜ້າ​ທີ່​ ການ​ເມືອງ​ໄລຍະ​ໃໝ່, ຕ້ອງ​ຢຶດຖືຫລັກການ​ ປະຊາທິປະ​ໄຕ ​ເຮັດ​ວຽກ​ເປັນໝູ່ຄະນະ, ບຸກຄົນ​ຮັບຜິດຊອບ, ​ໃກ້​ສິດແຖ​ດ​ເຖິງ​​ ຮາກ​ຖານຕົວ​ຈິງ ​ເພື່ອ​ຮັບປະກັນ​ ເຮັດ​ໃຫ້​ການ​ລາຍ​ງານ ​ແລະ ສະໜອງຂໍ້​ມູນ ​ໃຫ້ການ​ນໍາ​ພິຈາລະນາ​ ຮັບຮອງມີ​ຄວາມ​ຊັດ​ເຈນ ຈະ​ແຈ້ງ ອັນ​ສໍາຄັນ​ແມ່ນ ຕ້ອງ​ມີ​ຄວາມ​ສາມັກຄີ​ ເປັນ​ຈິດໜຶ່ງ​ໃຈດຽວກັນ ​ໃນ​ການ​ປະຕິບັດ ໜ້າທີ່​ວຽກງານ “ຢາກ​ມີ​ຄວາມ​ສາມັກຄີ​ນັ້ນ​ ຕ້ອງ​ມີ​ການ​ຕໍ່ສູ້​ເພື່ອ​ຄວາມ​ສາມັກຄີ ​ເພື່ອ​ສ່ວນ​ລວມ ບົນ​ພື້ນຖານ​ຄວາມ​ຮັກ​ແພງ​ກັນ​ ຢ່າງ​ແທ້​ຈິງ ​ເພື່ອ​ຕອບ​ສະໜອງກັບ ​ຄວາມ​ຮຽກຮ້ອງ​ຕ້ອງການ ​ແລະ ຄວາມ​ມຸ່ງ​ມາດ​ ປາດ​ຖະໜາຂອງ​ປະຊາຊົນ.

ໃນ ​ຕອນ​ບ່າຍ ​ວັນ​ດຽວ​ກັນ​ນີ້, ໄດ້​ມີ​ພິມ​ອບ-ຮັບ​ໜ້າ​ທີ່​ ປະທານ​ກໍາມາ​ທິການ ກົດໝາຍ ​ແລະ ປະທານ​ ກໍາມາ​ທິການ​ຕ່າງປະ​ເທດ ຢູ່​ສະພາ​ແຫ່ງ​ຊາດ ລະຫວ່າງ ທ່ານ ກຸ​ແກ້ວ ອັກຄະ​ມົນຕີ ປະທານ​ກໍາມາ​ທິການ​ຕ່າງປະ​ເທດ​ຜູ້​ເກົ່າ ​ແລະ ທ່ານ ​ເອກ​ສະຫວ່າງ ວົງ​ວິຈິດ ປະທານ​ກໍາ​ມະ​ທິການ​ຕ່າງປະ​ເທດ​ຜຸ້​ໃໝ່; ທ່ານ ດາວ​ອນ ຫວ່າງວິຈິດ ປະທານ​ກໍາມາ​ທິການ​ ກົດໝາຍ​ຜູ້​ເກົ່າ ​ແລະ ທ່ານ ສາຍທອງ ​ແກ້ວ​ດວງ​ດີ ປະທານ​ກໍາມາ​ທິການ​ກົດໝາຍ​ຜູ້​ໃໝ່.

 

ແຫລ່ງຂ່າວ:

ຂປລ

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ບົດຄວາມຫຼ້າສຸດ

ກັກຕົວເປົ້າໝາຍຄ້າຂາຍຢາເສບຕິດ ພ້ອມຂອງກາງຢາບ້າ ຈຳນວນ 60 ມັດ

ອີງຕາມການລາຍງານຂອງເຈົ້າໜ້າທີ່ພະແນກຕຳຫຼວດສະກັດກັນແລະຕ້ານຢາເສບຕິດ ປກສ ແຂວງຈຳປາສັກ ໃຫ້ຮູ້ວ່າ: ໃນເວລາ 12:00 ໂມງ ຂອງວັນທີ 10 ມັງກອນ 2025 ຜ່ານມາ, ເຈົ້າໜ້າທີ່ວິຊາສະເພາະ ໄດ້ລົງມ້າງຄະດີ...

ນາງ ພອນລິສາ ສິນລະປະກິດ ຍາດໄດ້ຫຼຽນຄໍາ ໃນການແຂ່ງຂັນວິຊາເລກ ທີ່ປະເທດກໍາປູເຈຍ

ຊົມເຊີຍ ນາງ ພອນລິສາ ສິນລະປະກິດ ຍາດໄດ້ຫຼຽນຄໍາ ວິຊາເລກ the Angkor Math Competition (AMC) ທີ່ປະເທດກໍາປູເຈຍ. ດ້ວຍຄວາມພາກພູມໃຈຂອງປະເທດລາວທີ່ ນາງ ພອນລິສາ...

8 ຫົວຂໍ້ສຳຄັນ ຫຼັງຈາກ ໂດໂນ ທຣຳ ຫວນຄືນຕຳແໜ່ງປະທານາທິບໍດີສະຫະລັດ ຄົນທີ 47

ໂດໂນ ທຣຳ ສາບານຕົນຮັບຕຳແໜ່ງປະທານາທິບໍດີຄົນທີ 47 ຂອງສະຫະລັດຢ່າງເປັນທາງການແລ້ວໃນວັນທີ 20 ມັງກອນ 2025 ຜ່ານມາ ພ້ອມກ່າວຄຳປາໄສປະກາດວ່າ ຍຸກທອງຂອງອາເມຣິກາເລີ່ມຂຶ້ນແລ້ວ. ຫຼັງຈາກພິທີສາບານຕົນເຂົ້າຮັບຕຳແໜ່ງ ໂດໂນ ທຣຳ ກໍໄດ້ລົງນາມເຊັນເອກະສານຕ່າງໆໄປຫຼາຍສະບັບ...

ບໍລິສັດ ເບຍລາວ ຈຳກັດໄດ້ປະກອບສ່ວນເສຍພາສີຫຼາຍກວ່າ 5,100 ຕື້ກີບ ໃນປີ 2024

ບໍລິສັດເບຍລາວຈຳກັດມີຄວາມພາກພູມໃຈທີ່ໄດ້ປະກອບສ່ວນຊ່ວຍເຫຼືອປະຊາຊົນລາວໂດຍ ການຈ່າຍພາສີ, ການສົ່ງອອກ ແລະ ວຽກງານກິດຈະກຳເພື່ອສັງຄົມຕ່າງໆ. ໃນຖານະຜູ້ເສຍພາສີອາກອນລາຍໃຫຍ່ທີ່ສຸດຂອງປະເທດ, ບໍລິສັດເບຍລາວໄດ້ປະກອບສ່ວນເສຍພາສີຫຼາຍກວ່າ 5,100 ຕື້ກີບ ໃນປີ 2024, ເຊິ່ງເພິ່ມຂື້ນຫຼາຍກວ່າ 32% ເມື່ອທຽບໃສ່ປີ 2023. ທີ່ນະຄອນຫຼວງວຽງຈັນ,...