ຫາກໂນດບຸກຂອງທ່ານທີ່ ນຳໃຊ້ຢູ່ເວລານີ້ ເກົ່າ ແລະຊ້າບໍ່ສາມາດເຮັດວຽກໄດ້ດີຄືກັບຕອນຊື້ ມາໃໝ່ໆເປັນສັນຍານທີ່ບອກວ່າ ໄດ້ເວລາຕ້ອງອັບເກຣດ ຫຼື ບໍ່ກໍ່ປ່ຽນໂນດບຸກ
ຕົວໃໝ່ ເພື່ອເຮັດໃຫ້ ກັບມາໃຊ້ວຽກໄດ້ດີເໝືອນເດີມ ຫຼື ຖ້າສາມາດເຮັດວຽກໄດ້ໄວກວ່າ ເດີມກໍ່ອາດເປັນສິ່ງທີ່ດີທີ່ສຸດ; ມື້ນີ້ຄໍລຳຜ່າໂລກໄອທີມີ 3 ວິທີໃນການ ອັບເກຣດໂນດບຸກເກົ່າໃຫ້ກັບມາ ເຮັດວຽກໄດ້ດີເໝືອນເດີມ ແລະມີ ປະສິດທິພາບຍິ່ງຂຶ້ນດັ່ງນີ້:
ອັບເດດດຣາຍເວີຊອຟແວ: ການອັບເດດຊອຟແວ ເປັນສິ່ງທຳ ອິດທີ່ຊ່ວຍໃຫ້ໂນດບຸກເຄື່ອງເກົ່າ ສາມາດກັບມາເຮັດວຽກໄດ້ດີ ເໝືອນເດີມ ແລະຄ່າໃຊ້ຈ່າຍຕ່ຳ ໂດຍໃຊ້ວິທີການອັບເດດດຣາຍເວີອຸປະກອນໃຫ້ມີຄວາມທັນສະໄໝ ການເລືອກຕິດຕັ້ງຊອຟແວທີ່ບໍ່ຊ້ຳກັນ ແລະໃຊ້ຊັບພະຍາກອນຂອງ ເຄື່ອງໜ້ອຍລົງ ລວມເຖິງການຕິດ ຕັ້ງລະບົບປະຕິບັດການໃໝ່ ເພື່ອ ໃຫ້ລະບົບກັບມາເຮັດວຽກໄດ້ຄື ກັນກັບຕອນຊື້ຄອມມາໃໝ່ໆ.
ອັບເກຣດແຣມ: ບາງຄັ້ງຊອຟ ແວ ຫຼື ລະບົບປະຕິບັດການໃໝ່ໆມີ ການໃຊ້ແຣມເພີ່ມຫຼາຍຂຶ້ນເຮັດໃຫ້ ໂນດບຸກຕົວເກົ່າທີ່ທ່ານໃຊ້ເຮັດ ວຽກຊ້າລົງການອັບເກຣດໃໝ່ມີຄວາມຈຸຫຼາຍຂຶ້ນຈາກເດີມ 4GB ເພີ່ມເປັນ 8GB ຫຼື ເລືອກແຣມ ຄວາມໄວສູງທີ່ໂນດບຸກຮອງຮັບ ໄດ້ສູງສຸດ ກໍເຮັດໃຫ້ໂນດບຸກຕົວ ເກົ່າໄວຂຶ້ນໄດ້ເຊັ່ນກັນມີຄ່າໃຊ້ ຈ່າຍໜ້ອຍ ແຕ່ໃຫ້ປະສິດທິພາບ ໂດຍລວມດີຂຶ້ນ.
ອັບເກຣດລະບົບເກັບມ້ຽນຂໍ້ ມູນ: ຖ້າໂນດບຸກທີ່ທ່ານໃຊ້ມີຂໍ້ມູນ ຢູ່ໃນຮາດດິສຫຼາຍເກີນໄປກໍມີ ສ່ວນເຮັດໃຫ້ເຄື່ອງຊ້າລົງ ເພາະມີພື້ນທີ່ໃຫ້ໂປຣແກຣມຕ່າງໆໜ້ອຍລົງບ້າງຄັ້ງຮາດດິສອາດເກີດຄວາມເສຍຫາຍບໍ່ຢູ່ໃນສະຖານະ ທີ່ເຮັດວຽກໄດ້ຕາມປົກກະຕິການ ປ່ຽນຮາດດິສອັນເກົ່າໃຫ້ມີຄວາມ ຈຸຫຼາຍຂຶ້ນ ຫຼື ປ່ຽນເປັນ SSD (Solid Stage Drive) ທີ່ມີ ຄວາມໄວໃນການອ່ານ ແລະຂຽນ ຂໍ້ມູນໄດ້ວ່ອງໄວກວ່າເດີມກໍສາ ມາດເຮັດໃຫ້ໂນດບຸກກັບມາມີຊີ ວິດໃໝ່ອີກເທື່ອໜຶ່ງ.
ຂໍ້ມູນຈາກ: ເສດຖະກິດ-ສັງຄົມ