ສຳລັບໃຜທີ່ເຄີຍມີອາການເລັບຕີນສັກ ຄົງຮູ້ດີວ່າມັນເຈັບປວດ ແລະ ທໍລະມານພຽງໃດ ໂດຍສະເພາະເວລາມີໜອງ ສະນັ້ນມື້ນີ້ເຮົາມີເຄັດລັບ ວິທີຮັກສາ ແລະ ປ້ອງກັນ ເລັບຕີນສັກ ມາຝາກໃຫ້ທຸກທ່ານໄດ້ລອງເຮັດເບິ່ງ

ວິທີການຮັກສາເລັບສັກໃນເບື້ອງຕົ້ນດ້ວຍຕົນເອງ
–  ແຊ່ຕີນດ້ວຍນ້ຳອຸ່ນປະສົມນ້ຳເກືອໃນອັດຕາສ່ວນ ເກືອ 1 ບ່ວງຊາ/ ນ້ຳ 1 ລິດ ວັນລະ 4 ຄັ້ງ ແລະ ລ້າງຕີນທີ່ເປັນເລັບສັກດ້ວຍນ້ຳສະບູ ແລະ ນ້ຳສະອາດວັນລະ 2 ຄັ້ງ

– ຕັດເລັບສ່ວນເກີນທີ່ບໍ່ເຈັບອອກ ແລະ ໃຊ້ໄມ້ຈີ້ມທີ່ແຂງໆ ມາງັດເລັບສັກຂຶ້ນມາເພື່ອຕັດອອກ

– ພະຍາຍາມເຮັດໃຫ້ຕີນແຫ້ງ ແລະ ສະອາດສະເໝີ ເພື່ອປ້ອງຄວາມຊຸ່ມ ແລະ ຄວນໃຊ້ແອລກໍຮໍທີ່ມີຄວາມເຂັ້ມຂຸ້ນ 70% ເຊັດຂ້າເຊື້ອ

– ບໍ່ໃສ່ເກີບສົ້ນສູງ ຫຼື ເກີບຂັບເກີນໄປ

– ອາດໃຊ້ສຳລີສອດລົງບໍລິເວນເລັບສັກເພື່ອຍົກເລັບບໍ່ໃຫ້ຖືກຊີ້ນປະມານ 15 ວັນ ເພື່ອໃຫ້ເລັບທີ່ງອກໃໝ່ບໍ່ໄປແທງຖືກຊີ້ນ

ຄວນໄປພົບແພດເມື່ອມີອາການດັ້ງຕໍ່ໄປນີ້
ຫາກເລັບສັກມີອາການປວດຫຼາຍ ແລະ ມີໜອງໄຫຼອອກມາຈາກເລັບຕ້ອງຟ້າວໄປພົບແພດ ໂດຍສະເພາະຄົນທີ່ເປັນໂຣກເອສ ແລະ ເບົາຫວານ ຕ້ອງລະວັງເປັນພິເສດ ໂດຍແພດຈະໃຊ້ຢາປະຕິຊີວະພາບຂ້າເຊື້ອທັງທາ ແລະ ກິນ ເພື່ອປ້ອງກັນການເປັນບາດທະຍັກ ຫາກຊີ້ນບໍລິເວນເລັບໜາເກີນໄປແພດກໍ່ຈະເຮັດການດູດໜອງອອກໃຫ້ ແລ້ວ ແຜເລັບສັກຈະຫາຍດີພາຍໃນ 2-3 ອາທິດ

ການປ້ອງກັນບໍ່ໃຫ້ເກີດເລັບສັກ
– ບໍ່ຄວນຕັດເລັບຕິດຊີ້ນ ຫຼື ແຈເລັບຫຼາຍເກີນໄປ ແລະ ບໍ່ຄວນຈີ້ມຂີ້ເລັບຕະຫຼອດ
– ໃສ້ເກີບໃນລະດັບພໍດີ ບໍ່ສູງຫຼາຍ
– ເຊັດຕີນໃຫ້ແຫ້ງຢູ່ສະເໝີ