ກະສິກຳກັບລາວໂພສຕ໌ວັນນີ້ເຮົາມີວິທີການປູກຜັກຂະໃຫ້ແຕກຍອດຕະຫຼອດປີມາຝາກກັນ ເໝາະສຳລັບຄົນທີ່ລິເລີ່ມຢາກເຮັດກະສິກຳ ເພື່ອສ້າງລາຍຮັບເພີ່ມ ແລະ ການປູກຜັກຂະເປັນສິນຄ້ານີ້ກໍ່ຖືວ່າເປັນອີກທາງເລືອກໜຶ່ງທີ່ທ່ານຄວນສຶກສາໄວ້
ການກຽມກ່າງຜັນຂະໄວ້ປູກ ແລະ ການຂະຫຍາຍພັນ
ຜັກຂະເປັນສາຍພັນດ້ວຍການປັກຊຳກ່າງ ເຮັດໄດ້ງ່າຍໆດ້ວຍການຕັດເອົາກ່າງທີ່ປານກາງ ບໍ່ອ່ອນບໍ່ແກ່ຈົນເກີນໄປ ຕັດໃນລະດັບຄວາມຍາວ ປະມານ 20 ຊມ ແລ້ວນຳກ່າງທີ່ກຽມໄວ້ໄປຊຳໃນຖົງດຳ ເອົາຖົງຢາງພລາສຕິກຄອບໄວ້ປະມານ 7 ວັນ ກໍ່ຈະເກີດຮາກ ນັ້ນກໍ່ລ້ຽງຕໍ່ໄປປະມານ 1 ຫຼື 2 ເດືອນ ກໍ່ສາມາດນຳໄປປູກລົງໜານໄດ້
ວິທີການປູກ
- ກຽມໜານປູກຜັກຂະ ເໝືອນກັນກັບການຂຸດໜານປູກຜັກອື່ນໆ ແຕ່ຄູນໜານຂຶ້ນສູງໆ ເພື່ອກັນນ້ຳຖ້ວມຕົ້ນຜັກຂະໃນເວລາຍາມຝົນ.
- ຂະໜາດຂອງໜານ ກ້ວາງປະມານ 1-1.50 ແມັດ ສ່ວນຄວາມຍາວຂອງໜານແມ່ນຂຶ້ນກັບຄວາມຕ້ອງການຂອງທ່ານເອງ
- ວິທີປູກແມ່ນປູກຄືມັນຕົ້ນຄືຂຸດຝັງເປັນແຖວຍາວ ລະຫວ່າງແຖວ ລະຫວ່າງຕົ້ນປະມານ 1ມ x 1ມ ສ່ວນກ່າງຜັກຂະທີ່ຈະນຳມາປູກແມ່ນມີຄວາມຍາວປະມານ 20 ຊມ,
- ຄວາມເລິກຂອງແຕ່ລະຂຸມເລິກປະມານ 10 ຊມ
- ຕອນປູກ 2-3 ວັນທຳອິດແມ່ນເອົາໃຈໃສ່ໃນການຫົດນ້ຳມື້ລະ 1ຄັ້ງ ແຕ່ຫຼັງຈາກນີ້ແມ່ນໃຫ້ຫົດນ້ຳ 2 ຫຼື 3 ມື້/1ຄັ້ງ
ສັດຕູຂອງຜັກຂະ: ຈະເປັນພວກບົ້ງຄືບ ແລະ ມົດແດງໄຟ ເຊິ່ງວິທີກຳຈັດດ້ວຍວີທີ່ທຳມະຊາດແມ່ນການເອົານ້ຳໜໍ່ໄມ້ສົ້ມມາຫົດໃສ່ ຮອບຮອງວ່າບັນດາມົດແດງໄຟ ແລະ ບົ້ງຄືບຫາຍໄປແນ່ນອນ
ເທັກນິກການກະຕຸ້ນຍອດຂອງຜັກຂະ : ເຮັດໄດ້ດ້ວຍວິທີທຳມະຊາດໂດຍການໃຊ້ນ້ຳໝາກພ້າວອ່ອນຈຳນວນ 1 ຫຼື 2 ບ່ວງແກງ ປະສົມກັບນ້ຳລ້າປະມານ 20 ລິດ ນຳໄປສີດໃສ່ຜັກຂະໃນຕອນເຊົ້າ ຫຼື ຕອນແລງ ຊ່ວງປາກໃບເປີດ ຈະເຮັດໃຫ້ຜັກຂະແຕກຍອດໄດ້ດີ