ອາທິດຜ່ານມານີ້, ຄະນະຜູ້ແທນຈາກກະຊວງກະສິກໍາຂອງສະຫະລັດອາເມລິກາ (USDA) ແລະ ກະຊວງ ສຶກສາ ທິການ ແລະ ກິລາ ແຫ່ງສປປ ລາວ ໄດ້ສຳເລັດການການຢ້ງມຢາມບັນດາໂຮງຮຽນທີ່ໄດ້ຮັບການສະໜັບສະໜູນຈາກໂຄງການສາກົນດ້ານການສະບຽງອາຫານເພື່ອການສຶກສາ ແລະ ໂພສານາການແກ່ເດັກ (McGovern–Dole International Food for Education and Child Nutrition Program) ໂດຍຜ່ານການຈັດຕັ້ງປະຕິບັດຂອງອົງການອາຫານໂລກ(WFP)ຢູ່ແຂວງພາກເໜືອຂອງ ສປປ ລາວ.

ການລົງຕິດຕາມຂອງຄະນະຜູ້ແທນຄັ້ງນີ້ແມ່ນລົງຢ້ຽມຢາມໂຮງຮຽນ 5 ແຫ່ງຢູ່ແຂວງອຸດົມໄຊ ທີ່ໄດ້ຮັບການຊ່ວຍເຫລືອຈາກອົງການອາຫານໂລກ. ແຂວງອຸດົມໄຊເປັນແຂວງໜຶ່ງທີ່ມີອັດຕາການຂາດສານອາຫານຊໍາເຮື້ອຫລາຍພໍສົມຄວນໃນສປປ ລາວ ເຊິ່ງງກວມເອົາ 50% ຂອງເດັກນ້ອຍທີ່ມີອາຍຸຕໍ່າກວ່າ 5 ປີ. ໃນໂອກາດດັ່ງກ່າວນີ້, ທ່ານ ສາຣາ ກໍດອນ ກິບສັນ ຜູ້ອຳນວຍການອົງການອາຫານໂລກແຫ່ງສປປ ລາວໄດ້ກ່າວວ່າ: ການສືບຕໍ່ໃຫ້ການຊ່ວຍເຫລືອຈາກລັດຖະບານສະຫະລັດອາເມລິກາດ້ານໂຄງການສະບຽງອາຫານສຳລັບໂຮງຮຽນໃນສປປ ລາວ ໂດຍຜ່ານໂຄງການ (McGovern-Dole Food for Education Program) ແມ່ນໄດ້ສະທ້ອນເຖິງຄວາມໝາຍໝັ້ນຂອງສະຫະລັດອາເມລິກາທີ່ໄດ້ເອົາໃຈໃສ່ຕໍ່ອະນາຄົດຂອງເດັກນ້ອຍ.

ພ້ອມນີ້ ທ່ານ ໄມເຄີນ ຄາຮູນ ຜູ້ຊ່ວຍຮອງຜູ້ບໍລິຫານກະຊວງກະສິກໍາຂອງສະຫະລັດອາເມລິກາດ້ານການບໍລິການກະຊິກຳຕ່າງປະເທດໄດ້ກ່າວວ່າ: ການສະໜອງອາຫານທີ່ມີໂພສະນາການໃຫ້ແກ່ເດັກນ້ອຍໃນສປປ ລາວ ຖືເປັນບູລິມາສິດຂອງກະຊວງກະສິກໍາຂອງສະຫະລັດອາເມລິກາເພື່ອຮັບປະກັນໃຫ້ເດັກນ້ອຍທີ່ໄດ້ຮັບອາຫານທີ່ດີ ພຽງພໍ ແລະ ພວກເຂົາຈະເຕີບໃຫຍ່ ແລະ ແຂງແຮງ. ພວກເຂົາຈະເຫລົ່ານີ້ຈະມີໂອກາດໃນການຈົບການສຶກສາ, ແຂງແຮງ ແລະ ມີອະນາຄົດທີ່ດີໃນການສ້າງສາພັດທະນາປະເທດລາວໃຫ້ມີຄວາມຈະເລີນຮຸ່ງເຮືອງເປັນກ້າວໆ.

ນັບຕັ້ງແຕ່ປີ 2008 ໂດຍຜ່ານກະຊວງກະສິກໍາຂອງສະຫະລັດອາເມລິກາ (USDA), ລັດຖະບານສະຫະລັດອາເມລິ ກາໄດ້ໃຫ້ການສະໜັບສະໜູນອົງການອາຫານໂລກດ້ານໂຄງການອາຫານສຳລັບໂຮງຮຽນໃນສປປ ລາວ, ທັງໄດ້ປະກອບສ່ວນທຶນ 47 ລ້ານໂດລາສະຫະລັດໃນການສະຕອບສະໜອງເຂົ້າໃນໂຄງການອາຫານເຊົ້າ ແລະ ສວາຍໃຫ້ແກ່ເດັກນ້ອຍຈຳນວນ 150,000 ຄົນໃນຈຳນວນ1.500ໂຮງຮຽນຈົນເຖິງປີ 2017. ອົງການອາຫານໂລກໄດ້ເຮັດວຽກຮ່ວມກັນກັບລັດຖະບານສປປ ລາວ ການຈັດຕັ້ງປະຕິບັດເຂົ້າໃນໂຄງການອາຫານສຳລັບໂຮງຮຽນໃຫ້ສໍາເລັດຜົນສູງ.