ບໍລິສັດ ອະທິປັນຍາ ເທດດິງ ນຳເຂົ້າ ແລະ ຈັດຈຳໜ່າຍ ອາຫານເສີມ ສິຣິໂມນາ ເຄື່ອງສຳອາງແອງເຈວຣິຕາ ຮ່ວມກັບບໍລິສັດ ທອງສິຣິ ອິນເຕີເນຊັນແນວ ປະເທດໄທ ຈັດງານປະກວດໜຸ່ມສາວໄວໃສ ແລະ ໃສ່ໃຈສຸຂະພາບ (Sirimona Freshy Boy and Girl 2016) ໃນວັນທີ 1 ພຶດສະພາ 2016 ນີ້, ຢູ່ສູນການຄ້າວຽງຈັນເຊັນເຕີ້ ນະຄອນຫລວງວຽງຈັນ ເຊິ່ງມີຜູ້ເຂົ້າຮ່ວມປະກວດທັງໝົດ 190 ຄົນ, ໃນນັ້ນຂັດເລືອກເອົາ 28 ຄົນ ເພື່ອເຂົ້າຄ້າຍເຮັດກິດຈະກຳ ເກັບຄະແນນ ເປັນເວລາ 3 ວັນ 2 ຄືນ ແລະ ເຂົ້າຮ່ວມຝຶກອົບຮົມດ້ານບຸກຄະລິກກະພາບ ພ້ອມກັບພັດທະນາຄວາມສາມາດ ໂດຍຄູສອນການສະແດງ ຈາກປະເທດໄທ ເພື່ອຄັດເລືອກໃນຮອບສຸດທ້າຍ ທີ່ຈະມີຂຶ້ນໃນທ້າຍເດືອນກໍລະກົດ 2016 ນີ້.
ສຳລັບ ໜຸ່ມສາວ ທີໄດ້ຮັບຕຳແໜ່ງ ໜຸ່ມສາວໄວໃສ ຜູ້ໃສ່ໃຈສຸຂະພາບ ແມ່ນຈະໄດ້ຮັບເງິນລາງວັນ 5 ລ້ານກີບ, ນອກນັ້ນ ຍັງມີລາງວັນຂວັນໃຈມະຫາຊົນ, ຂວັນໃຈຊ່າງພາບ, ລາງວັນໜຸ່ມສາວໜ້າຕາງາມ, ລາງວັນໜຸ່ມສາວຮຸ່ນດີ, ຮຸ່ນງາມ ເຊິ່ງຈະໄດ້ຮັບເງິນລາງວັນ ຜູ້ລະ 2.300,000 ກີບ.
ໂຄງການດັ່ງກ່າວ, ຈັດຂຶ້ນເພື່ອສົ່ງເສີ່ມການອອກກຳລັງກາຍ, ການເບິ່ງແຍງສຸຂະພາບຂອງໄວໜຸ່ມສາວ, ການພັດທະນາບຸຂະລິກກະພາບ, ການໃຊ້ເວລາຫວ່າງໃຫ້ເປັນປະໂຫຍດ ແລະ ຄົ້ນຫາຜູ້ທີ່ຈະເປັນຕົວແທນໜຸ່ມສາວຍຸກໃໝ່ ຜູ້ທີ່ມີຄວາມໃສ່ໃຈໃນສຸຂະພາບ ແລະ ເປັນແບບຢ່າງທີ່ດີໃນການສະແດງອອກຕໍ່ສັງຄົມ
ຂ່າວ+ຮູບ: ທະນູທອງ