ໃນລະບົບເສດຖະກິດ ແຮງງານຖືເປັນປັດໄຈສຳຄັນຢ່າງໜຶ່ງທີ່ເຮັດໃຫ້ເກີດຜະລິດຕະພັນຕ່າງໆ ພະລັງຂອງຜູ້ໃຊ້ແຮງງານຈະແຝງຢູ່ໃນການຜະລິດທຸກຊະນິດ ດັ່ງນັ້ນຄວາມໝັ້ນຄົງກ້າວໜ້າ ຫຼື ຄວາມອ່ອນແອທາງເສດຖະກິດ ແຮງງານກຳມະກອນແມ່ນມີສ່ວນຮ່ວມທີ່ສຳຄັນຫຼາຍ ແຕ່ໃນຄວາມເປັນຈິງແລ້ວ ຍັງມີຜູ້ໃຊ້ແຮງງານບາງຈຳນວນຖືກເອົາປຽບຈາກນາຍຈ້າງ ທັງໃນດ້ານຜົນປະໂຫຍດ ຄ່າຕອບແທນ ແລະ ສະຫວັດດີການ.
ເພື່ອເປັນການຍ້ອງຍໍ ແລະ ຊີ້ໃຫ້ເຫັນເຖິງຄວາມສຳຄັນຂອງແຮງງານ ເພື່ອໃຫ້ເກີດການພັດທະນາດ້ານຄຸນນະພາບ ການເປັນຢູ່ ຕະຫຼອດຈົນຮອດສິດທິຄວາມເປັນທຳ ທີ່ຜູ້ໃຊ້ແຮງງານສົມຄວນຈະໄດ້ຮັບການດູແລເອົາໃຈໃສ່ຢ່າງຈິງຈັງ ລັດຖະບານຈິ່ງໄດ້ກຳນົດ ວັນທີ 1 ພຶດສະພາ ຂອງທຸກປີ ເປັນ “ວັນກຳມະກອນສາກົນ” ແລະ ປີນີ້ຄົບຮອບ 130ປີ.
ໃນພາກພື້ນຢຸໂຣບຫຼາຍປະເທດ ກໍ່ໄດ້ມີການສະເຫຼີມສະຫຼອງ ວັນກຳມະກອນສາກົນ ວັນທີ 1 ພຶດສະພານີ້ ເຊັ່ນດຽວກັນ ແຕ່ຍົກເວັ້ນປະເທດສະຫະລັດອາເມລິກາ ແລະ ແຄນນາດາ ທີ່ຖືເອົາວັນຈັນທຳອິດຂອງເດືອນກັນຍາເປັນວັນກຳມະກອນ.
ຂຽນໂດຍ: ປອັກເລັກ ລາວໂພສຕ໌