ສຳນັກຂ່າວຕ່າງປະເທດ ລາຍງານໃນວັນທີ 28 ເມສາຜ່ານມານີ້ວ່າ ປະເທດເວເນຊູເອລາ ກຳລັງປະເຊີນກັບ ສະພາວະໄພແລ້ງຮຸນແຮງ ເຮັດໃຫ້ລະດັບນ້ຳໃນເຂື່ອນກູຣີ ຊຶ່ງເປັນເຂື່ອນຜະລິດໄຟຟ້າຫລັກ ກວມປະມານ 70% ຂອງກຳລັງການຜະລິດທັງໝົດໃນປະເທດ ມີລະດັບຫລຸດລົງເຖິງຕ່ຳທີ່ສຸດ ຂອງຂີດຄວາມສາມາດ ໃນການເດີນເຄື່ອງຜະລິດໄດ້ ສົ່ງຜົນໃຫ້ທົ່ວປະເທດ ກຳລັງປະສົບກັບບັນຫາຂາດແຄນ ພະລັງງານໄຟຟ້າຢ່າງໜັກ ຈົນເຮັດໃຫ້ລັດຖະບານເວເນຊູເອລາ ປະກາດໃຫ້ພະນັກງານ-ລັດຖະກອນ ເຮັດວຽກພຽງແຕ່ 2 ມື້ຕໍ່ອາທິດ ຄືວັນຈັນ ແລະ ວັນອັງຄານເທົ່ານັ້ນ ສ່ວນວັນອື່ນໆ ແມ່ນໃຫ້ເປັນວັນພັກ ເພື່ອປະຢັດການນຳໃຊ້ໄຟຟ້າ.

ນອກຈາກນັ້ນ, ທາງການຍັງປະກາດງົດຈ່າຍກະແສໄຟຟ້າ ມື້ລະ 4 ຊົ່ວໂມງ ໃນເຂດພື້ນທີ່ 10 ລັດ ຈາກທັງໝົດ 23 ລັດທົ່ວປະເທດ ເປັນເວລາ 40 ວັນ ນັບຕັ້ງແຕ່ວັນທີ 25 ເມສາ 2016 ເປັນຕົ້ນມາ.  ພ້ອມກັນນັ້ນ, ລັດຖະບານ ຍັງໃຊ້ມາດຕະການ ອອກຄຳສັ່ງໃຫ້ຮ້ານສັບພະສິນຄ້າ ປິດໄວກ່ອນໂມງປົກກະຕິອີກດ້ວຍ.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!