ສຳນັກຂ່າວຕ່າງປະເທດລາຍງາຍວ່າ: ແມນນີ ປາກຽວ ນັກຊົກຂວັນໃຈຟິລິບປິນ ກ່າວສະແດງຄວາມຕົກໃຈໃນມື້ນີ້ກັບຄຳຖະແຫຼງທີ່ປະທານາທິບໍດີເບນິໂຢ ອາຄິໂນ ອ້າງວ່າ ກຸ່ມຕິດອາວຸດອາບູໄຊຢາຟວາງແຜນລັກພາຕົວລາວ ຊຶ່ງປາກຽວກ່າວວ່າ ບໍ່ຄວນນຳເລື່ອງນີ້ມາເປີດເຜີຍຕໍ່ສາທາລະນະ.

ປະທານາທິບໍດີອາຄິໂນມີຖະແຫຼລງການເມື່ອວັນພຸດໂດຍຢໍ້າວ່າ ກຸ່ມຕິດອາວຸດອາບູໄຊຢາຟ ຊຶ່ງເປັນທີ່ຮູ້ຈັກຈາກການລັກພາຕົວ ແລະ ຮຽກຄ່າໄຖ່ທີ່ຫາກໍ່ຕັດຄໍຕົວປະກັນຊາວການາດາໃນອາທິດນີ້ ມີແຜນລັກພາຕົວປາກຽວ ແລະ ລູກຂອງລາວ, ຢ່າງໃດກໍ່ຕາມ ນັກມວຍຄົນດັງບອກວ່າ ລາວຕົກໃຈທີ່ຜູ້ນໍາຟິລິບປິນກ່າວເລື່ອງນີ້ຂຶ້ນມາໃນຖະແຫຼງການວ່າ ກຸ່ມອາບູໄຊຢາຟຕ້ອງການລັກພາຕົວລາວ ທັງທີ່ຊາວຟິລິບປິນທຸກຄົນຄືເພື່ອນຂອງລາວ ແລະ ລາວຮັກທຸກຄົນ ໂດຍສະເພາະຊາວມຸດສະລິມ, ຢ່າງໃດກໍ່ຕາມ ປາກຽວກ່າວວ່າລາວໄດ້ເພີ່ມຄວາມຄຸ້ມກັນສຳລັບພັນລະຍາ ແລະ ລູກທັງ 5 ຄົນທີ່ບ້ານເກີດໃນເມືອງເຈເນີຣັລຊາໂຕສ ຊຶ່ງເປັນພື້ນທີ່ຂັດແຍ່ງເທິງເກາະມິນດາເນົາທາງພາກໃຕ້ຂອງຟິລິບປິນ.

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!