Homeນານາສາລະສູດການປະສົມເຫຍື່ອຕຶກປາ (ຊິດເບັດ) ໃຫ້ໄດ້ປາທຸກຊະນິດ

ສູດການປະສົມເຫຍື່ອຕຶກປາ (ຊິດເບັດ) ໃຫ້ໄດ້ປາທຸກຊະນິດ

Published on

ວັນນີ້ລາວໂພສຕ໌ມີ ສູດການປະສົມເຫຍື່ອຕຶກປາທຸກຊະນິດ ມາຝາກກັນ ຮັບຮອງວ່າສູດດັ່ງກ່າວນີ້ໄດ້ຜົນຢ່າງແນ່ນອນ ແລະ ຫວັງວ່າຈະຖືກໃຈກັບບັນດາຄໍຕຶກປາ ຫຼື ມັກຊິດເບັດທັງຫຼາຍ

1363534108

ສູດໝາກພ້າວສາມແດດ
ສ່ວນປະສົມ: ໝkກພ້າວຂູດ 1 ກິໂລ, ຮຳອ່ອນ 2 ກິໂລ, ເກັດຂະໜົມປັງ 1 ກິໂລ, ກາກຖົ່ວເຫຼືອງ ແລະ ນົມຖົ່ວເຫຼືອງ
ວິທີເຮັດ: ນຳໝາກພ້າວກັບເກັດຂະໜົມປັງນັ້ນມາຮ່ອນກ່ອນ ຈາກນັ້ນກໍ່ນຳໄປປະສົມກັບຮຳອ່ອນ, ຄົນໃຫ້ເຂົ້າກັນແລ້ວຕື່ມກາກຖົ່ວເຫຼືອງ ແລະ ນ້ຳນົມຖົ່ວເຫຼືອງ ໃນປະລິມານທີ່ພໍດີ ຢ່າໃຫ້ເຫຍື່ອແຫຼວ ຫຼື ແຂງເກີນໄປ ແລ້ວນຳໃສ່ຖົງຢາງມັດໄວ້ປາກຖົງໃຫ້ແໜ້ນ ປະໄວ້ເປັນເວລາ 3 ວັນ ຈິ່ງຄ່ອຍນຳອອກມາໃຊ້
ຊະນິດປາທີ່ໄດ້ແມ່ນ ປະເພດປາມີເກັດທຸກຊະນິດ

ສູດໃສ້ໄກ່ດອງ
ສ່ວນປະສົມ: ໃສ້ໄກ່ດີໆ 1 ກິໂລ, ໄຂ່ເປັດ 5 ໜ່ວຍ ເກືອປົ່ນ 3 ບ່ວງແກງ ຮຳອ່ອນໜ້ອຍໜຶ່ງ
ວິທີເຮັດ: ນຳໃສ້ໄກ່ມາລ້າງໃຫ້ສະອາດແລ້ວຊອຍເປັນຕ່ອນນ້ອຍໆ ຈາກນັ້ນກໍ່ນຳມາຄັ້ນໃສ່ໄຂ່ເປັດແລ້ວຕື່ມເກືອລົງໄປ ຕື່ມຮຳອ່ອນລົງໄປໜ້ອຍໜຶ່ງ ຂົນເຂົ້າກັນ ຈາກນັ້ນກໍ່ໝັກໄວ້ປະມານ 4-5 ວັນ ຈິ່ງນຳອອກໄປໃຊ້
ຊະນິດປາທີ່ໄດ້ແມ່ນ ປະເພດປາໜັງ ໂດຍສະເພາະປາກົດມັນມັກຫຼາຍ

ສູດແປ້ງດິບ
ສ່ວນປະສົມ: ແປງໝັກ 1 ກິໂລ ທີ່ຫາຊື້ໄດ້ຕາມຕະຫຼາດ ມາເຮັດການບີບໃຫ້ແຕກ ພ້ອມໃຊ້ຮຳທີ່ຮ້ອນໄວ້ແລ້ວໜ້ອຍໜຶ່ງຖອກລົງໄປ ຕອກໄຂ່ໄກ່ 5 ໜ່ວຍລົງໄປ ຈາກນັ້ນກໍ່ຄົນໃຫ້ເຂົ້າກັນ ແລ້ວເຕີມນົມຈືດລົງໄປກະປະມານໃຫ້ພໍດີ ບໍ່ໃຫ້ເຫຍື່ອແຫຼວເກີນໄປ ແລະ ແຂງເກີນໄປ ຈາກນັ້ນກໍ່ໄປໃຊ້ໄດ້ທັນທີ ສູດນີ້ບໍ່ຄວນໝັກໄວ້ເດັດຂາດ
ຊະນິດປາທີ່ໄດ້ແມ່ນ: ທັງປາໜັງ ແລະ ປາເກັດໃຊ້ໄດ້ໝົດເລີຍ

ມັກເຮັດສູດໃດທີ່ຄິດວ່າຖືກກັບຄວາມຕ້ອງການຂອງຕົນເອງ ກໍ່ເລືອກເຮັດເອົາເດີ້

ບົດຄວາມຫຼ້າສຸດ

ນາຍົກລັດຖະມົນຕີ ຈະເດີນທາງຢ້ຽມຢາມຣັດເຊຍ ເຂົ້າຮ່ວມກອງປະຊຸມສະເຫຼີມສະຫຼອງສາຍພົວພັນ ອາຊຽນ-ຣັດເຊຍ ຄົບຮອບ 35 ປີ ໃນວັນທີ 14-17/06/2026

ແຈ້ງການ ຂອງກະຊວງການຕ່າງປະເທດ ແຫ່ງ ສປປ ລາວ ໂດຍຕອບສະໜອງຕາມການເຊື້ອເຊີນ ຂອງ ພະນະທ່ານ ມີຄາອິນ ມີຊູສະຕິນ, ນາຍົກລັດຖະມົນຕີ ແຫ່ງ ສະຫະພັນ ຣັດເຊຍ,...

ບຸກມ້າງກຸ່ມແກ້ງສະແກມເມີ ແຂວງຈໍາປາສັກ ບຸກມ້າງແກ້ງສະແກມເມີ ກັກຕົວຜູ້ຕ້ອງສົງໃສໄດ້ທັງໝົດ 50 ຄົນ ສັນຊາດຈີນ 48 ຄົນ ແລະ ສັນຊາດລາວ 02 ຄົນ

ເຈົ້າໜ້າທີ່ຕຳຫຼວດແຂວງຈຳປາສັກ ເປີດປະຕິບັດການຈູ່ໂຈມ ທະລາຍຮັງກຸ່ມແກ້ງສະແກມເມີ (Scammer) ທີ່ລັກລອບເຄື່ອນໄຫວອາດຊະຍາກຳທາງເທັກໂນໂລຢີ ສາມາດກັກຕົວຜູ້ຕ້ອງສົງໃສໄດ້ທັງໝົດ 50 ຄົນ ພ້ອມຂອງກາງເຄື່ອງຄອມພິວເຕີ ແລະ ໂທລະສັບມືຖືເປັນຈຳນວນຫຼວງຫຼາຍ. ເຫດການດັ່ງກ່າວເກີດຂຶ້ນໃນວັນທີ 11 ມິຖຸນາ 2026...

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....