ທຸກຄົນເວລາປວດເມື່ອຍ ສິ່ງທຳອິດທີ່ຄິດຮອດກໍ່ຄົງຈະແມ່ນການບີບນວດ ເພື່ອຄາຍບໍລິເວນເຈັບປວດນັ້ນ ແຕ່ຫຼາຍທ່ານອາດຈະຍັງບໍ່ຮູ້ວ່າ ບາງພະຍາດ ຫຼື ບາງອາການທີ່ທ່ານເປັນ ຫາກທ່ານໄປນວດມັນແລ້ວ ມັນແຮງເປັນການເພີ່ມຄວາມເຈັບປວດ ຫຼື ເພີ່ມການຈະເລີນເຕີບໂຕຂອງພະຍາດນັ້ນຕື່ມອີກ ເຊິ່ງຈະມີອາການໃດແນ່ນັ້ນເຮົາມາຮູ້ໄປນຳກັນເລີຍ
ຂໍ້ຫ້າມໃນການ ບີບນວດ ສຳລັບຄົນທີ່ມີອາການດັ່ງຕໍ່ໄປນີ້:
- ໂຣກຕິດເຊື້ອ ຄົນມີອາການໄຂ້ 38 ອົງສາຂຶ້ນໄປຈະຮູ້ສຶກປວດ ບວມ ຮ້ອງ ແດງ ປວດຕາມຕົນຕົວ ຫ້າມນວດເດັດຂາດ ເພາະຈະເຮັດໃຫ້ເສັ້ນເລືອດຟອຍແຕກໄດ້
- ໂຣກຜິວໜັງ ເພາະຈະເຮັດໃຫ້ເຊື້ອແຜ່ລາມໄປບໍລິເວນອື່ນ ແລະ ແຜ່ມາສູ່ຄົນທີ່ນວດໃຫ້ພ້ອມ
- ຂະນະທີ່ມີອາການອັກເສບຕາມຂໍ່ ຕາມຈຸດຕ່າງໆ ເພາະຈະເຮັດໃຫ້ອັກເສບຫຼາຍຂຶ້ນກ່ວາເກົ່າ
- ບໍລິເວນທີ່ມີບາດແຜຫ້າມນວດ ອາດຈະເຮັດໃຫ້ແຜຊ້ຳ ຫຼື ຊີກຂາດໄດ້
- ຄົນທີ່ເປັນມະເຮັງ ແລະ ບໍລິເວນທີ່ເປັນມະເຮັງ ຈະເຮັດໃຫ້ມະເລັງແຜ່ລາມອອກໄປຕື່ມອີກ
- ບໍ່ຄວນບີບນວດຜູ້ທີ່ປະສົບອຸບັດຕິເຫດໃໝ່ ເພາະອາດຈະເກີດພາວະແຊກຊ້ອນຕາມມາໄດ້
ເມື່ອຮູ້ແນວນີ້ແລ້ວ ກໍ່ຢ່າລືມບອກຕໍ່ໃຫ້ໝູ້ຮູ້ນຳເດີ້