ຕາມ​ຂ່າວ​ຕ່າງປະ​ເທດ​ລາຍ​ງານ​​ວ່າ ​​ແອັບ​ເປິລ ​ເປີດ​ເຜີຍ​ລາຍ​ງານ​ໃນ​ວັນ​ທີ 26 ​ເມສາ​ທີ່​ຜ່ານ​ມາ​ວ່າ ຍອດ​ຈຳໜ່າຍ​ໂທລະສັບ​ໄອ​ໂຟນຫຼຸດ​ລົງ 16% ນັບ​ເປັນ​ເທື່ອ​ທຳ​ອິດ​ນັບ​ຕັ້ງ​ແຕ່​ມີ​ການ​ເປີດ​ຕົວ​ສູ່​ຕະຫຼາດ​ໃນ​ປີ 2007 ຍອດ​ຈຳໜ່າຍ​ໃນ​ໄຕ​ມາດ​ທຳ​ອິດ​ຂອງ​ປີ​ນີ້​ຢູ່​ທີ່ 51,19 ລ້ານ​ໂດ​ລາ​ສະຫະລັດ ຫຼຸດ​ລົງ​ຈາກ 61,17 ລ້ານ​ໂດ​ລາ​ໃນ​ໄລຍະ​ເວລາ​ດຽວ​ກັນ​ຂອງ​ປີ​ທີ່​ຜ່ານ​ມາ.

ການ​ຫຼຸດ​ລົງ​ຂອງ​ຍອດຈຳໜ່າຍ​ໄອ​ໂຟນຊຶ່ງ​ເປັນ​ສິນຄ້າ​ທີ່​ສ້າງ​ລາຍ​ໄດ້​ຕົ້ນຕໍ​ໃຫ້​ກັບ​ບໍລິສັດ ​ເຮັດ​ໃຫ້​ຕົວ​ເລກ​ລາຍ​ໄດ້​ໂດຍ​ລວມປຽບທຽບ​ກັບ​ປີ​ກ່ອນ​ຫຼຸດ​ລົງ​ເປັນ​ເທື່ອ​ທຳ​ອິດ​ນັບ​ຕັ້ງ​ແຕ່​ປີ 2003 ຈາກ 58 ຕື້​ໂດ​ລາ​​ເຫຼືອ 50,6 ຕື້​ໂດ​ລາ, ສ່ວນ​ລາຍ​ໄດ້​ສຸດທິ​ລາຍ​ໄຕ​ມາດ​ຈົນ​ເຖິງ​ວັນ​ທີ 26 ມີນາ ຫຼຸດ​ລົງ​ເຫຼືອ 10,5 ຕື້​ໂດ​ລາ ຈາກ 13,6 ຕື້​ໂດ​ລາ​ເມື່ອ​ປີ​ທີ່​ຜ່ານ​ມາ ຂະນະ​ທີ່​ຮຸ້ນ​ແອັບ​ເປິ​ລຕົກລົງ​ກວ່າ 8% ມາ​ຢູ່​ທີ່ 95,72 ​ໂດ​ລາ.

ຂ່າວຈາກ: ເສດຖະກິດ-ສັງຄົມ