ປະທານາທິບໍດີເບນິໂຢ ອາຄິໂນຂອງຟິລິບປິນສະແດງຄວາມຄິດເຫັນຄັ້ງທຳອິດຕໍ່ສາທາລະນະໃນກໍລະນີກຸ່ມຕິດອາວຸດອາບູຊາຢາຟຂ້າຕັດຄໍຕົວປະກັນຊາວການາດາ ໂດຍປະກາດມື້ນີ້ວ່າ ຈະເຮັດທຸກທາງເພື່ອກຳຈັດກຸ່ມຕິດອາວຸດກ່ອນຕົນເອງຈະໝົດວາລະໃນ 2 ເດືອນ.
ຈອນ ຮິດສເດລ ຕົວປະກັນຊາວການາດາອາຍຸ 65 ປີ ຖືກກຸ່ມຕິດອາວຸດອາບອາບູຊາຢາຟລັກພາຕົວໄປພ້ອມກັບອີກ 3 ຄົນເມື່ອທ້າຍປີຜ່ານມາ ຂະນະໄປທ່ຽວພັກຜ່ອນຢູ່ເທິງເກາະໃນຟິລິບປິນ ທາງດ້ານນາຍົກລັດຖະມົນຕີຈັສຕິນ ທຣູໂດຂອງການາດາຖະແຫຼງປະນາມການສັງຫານແບບໂຫດຫ້ຽມ ກອງທັບຟິລິບປິນຖະແຫຼງຂ່າວພົວສ່ວນຫົວຖືກນຳມາຖິ້ມໄວ້ເທິງເກາະໃນພື້ນທີ່ຫ່າງໄກເມື່ອວັນຈັນ ຫຼັງຈາກພົ້ນກຳນົດເສັ້ນຕາຍຈ່າຍຄ່າໄຖ່ໄປ 5 ຊົ່ວໂມງ ແລະ ກຸ່ມຕິດອາວຸດຂູ່ຈະສັງຫານໜຶ່ງໃນສີ່ຕົວປະກັນ ແລະຕຳຫຼວດຖະແຫຼງຢືນຢັນວ່າເປັນຫົວຂອງຈອນ ຮິດສເດລ.