ສຳນັກຂ່າວຕ່າງປະເທດ ລາຍງານໃນວັນທີ 26 ເມສານີ້ວ່າ ເກີດເຫດສະຫລົດໃຈ ເມື່ອຊາວປາກີສະຖານ ຈຳນວນຫລາຍ ພາກັນກິນຂະໜົມທ້ອງຖິ່ນ ລາດູ (laddu) ຊຶ່ງຊື້ມາຈາກຮ້ານເຂົ້າໜົມພາຍໃນພື້ນທີ່ ເຂດເລຢາ ແຂວງປັນຈາບ ໂດຍຂະໜົມມີສານເຄມີໃນຢາຂ້າແມງໄມ້ປົນເປື້ອນຢູ່ ສົ່ງຜົນເຮັດໃຫ້ຜູ້ບໍລິໂພກ ເສຍຊີວິດແລ້ວ 23 ຄົນ ແລະ ຕ້ອງນອນໂຮງໝໍເພື່ອປິ່ນປົວອີກ 54 ຄົນ.
ເຫດການດັ່ງກ່າວ ເກີດຂຶ້ນໃນວັນທີ 20 ເມສາ 2016 ຜ່ານມານີ້ ໂດຍຮອດປັດຈຸບັນ ຍັງມີຄົນເຈັບນອນຢູ່ໂຮງໝໍ ພຽງ 5 ຄົນ ທີ່ມາອາການໃນຂັ້ນສາຫັດ ສ່ວນຄົນເຈັບຄົນອື່ນໆ ແມ່ນໄດ້ຮັບການປິ່ນປົວຈົນປອດໄພໝົດແລ້ວ. ດ້ານເຈົ້າໜ້າທີ່ຕຳຫລວດປາກີສະຖານ ໄດ້ທຳການຈັບກຸມເຈົ້າຂອງຮ້ານເຂົ້າໜົມ 2 ຄົນ ແລະ ກຳມະກອນ 1 ຄົນໃນທັນທີ.
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!