spot_img
Homeຂ່າວເຫດການທ່ານ ສີສະຫວາດ ແກ້ວບຸນພັນ ພົບປະໂອ້ລົມ ພະນັກງານຫຼັກແຫຼ່ງ ແຂວງຈຳປາສັກ

ທ່ານ ສີສະຫວາດ ແກ້ວບຸນພັນ ພົບປະໂອ້ລົມ ພະນັກງານຫຼັກແຫຼ່ງ ແຂວງຈຳປາສັກ

Published on

ຕົ້ນເດືອນເມສາຜ່ານມານີ້ ທີ່ຫ້ອງວ່າການແຂວງຈຳປາສັກ, ທ່ານ ສີສະຫວາດ ແກ້ວບຸນພັນ ອະດີດກຳມະການກົມການເມືອງສູນກາງພັກ ອະດີດປະທານສູນກາງແນວລາວສ້າງຊາດ ໄດ້ເຄື່ອນໄຫວຢ້ຽມຢາມ ແລະ ພົບປະໂອ້ລົມພະນັກງານຫຼັກແຫຼ່ງແຂວງຈຳປາສັກ, ເປັນກຽດເຂົ້າຮ່ວມຮັບຟັງມີທ່ານ ດຣ. ບຸນຖອງ ດີວິໄຊ ກຳມະການສູນກາງພັກ ເລຂາພັກແຂວງ ເຈົ້າແຂວງຈຳປາສັກ; ມີບັນດາທ່ານຄະນະພັກ ຄະນະນຳຂັ້ນແຂວງ, ແນວລາວສ້າງຊາດແຂວງ, ບັນດາພະແນກການອ້ອມຂ້າງ, ບັນດາອົງການຈັດຕັ້ງມະຫາຊົນຂັ້ນແຂວງ ພ້ອມ ດ້ວຍພະນັກງານຫຼັກແຫຼ່ງຈຳນວນໜຶ່ງເຂົ້າຮ່ວມ ທີ່ຫ້ອງປະຊຸມຫ້ອງວ່າການປົກຄອງແຂວງຈຳປາສັກ.
ໃນການພົບປະໂອ້ລົມຄັ້ງນີ້, ກ່ອນອື່ນ ທ່ານ ສີສະຫວາດ ແກ້ວບຸນພັນ ໄດ້ຮັບຟັງການລາຍງານສະພາບການໂດຍ ຫຍໍ້ໃນແຕ່ລະດ້ານ ໃນໄລຍະ 1 ປີຜ່ານມາຂອງແຂວງ, ຈາກນັ້ນ ທ່ານ ສີສະຫວາດ ແກ້ວບຸນພັນ ໄດ້ສະແດງຄວາມຊົມເຊີຍຕໍ່ຜົນງານ ທີ່ຄະນະພັກ- ຄະນະນຳແຂວງຈຳປາສັກ ຍາດມາໄດ້ໃນໄລຍະຜ່ານມາ. ໃນນີ້, ການໂອ້ລົມ ທ່ານໄດ້ຍົກໃຫ້ເຫັນຜົນງານ ແລະ ໄຊຊະນະແຫ່ງການຊີ້ນຳໆພາ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃນໄລຍະ 40 ປີທີ່ຜ່ານມາ ຜົນສຳເລັດກອງປະຊຸມໃຫຍ່ຄັ້ງທີ X ຂອງພັກປະຊາຊົນປະຕິວັດລາວ. ໃນນັ້ນ ໄດ້ເລືອກເອົາກຳມະການກົມການເມືອງສູນກາງພັກ, ຄະນະເລຂາທິການ ແລະ ກຳມະການສູນກາງພັກຊຸດໃໝ່ ຊຶ່ງປະກອບມີຮຸ່ນອາວຸໂສ, ຮຸ່ນກາງ ແລະ ໜຸ່ມທີ່ມີຄວາມຮູ້ຄວາມສາມາດ ໃນ ການສືບຕໍ່ຊີ້ນຳໆພາ ໃນພາລະກິດປ່ຽນແປງໃໝ່ຂອງປະເທດຊາດ ແລະ ຍົກໃຫ້ເຫັນຜົນສຳເລັດ ການເລືອກຕັ້ງສະ ມາຊິກສະພາແຫ່ງຊາດ ຊຸດ ທີ VIII ກໍຄືສະມາຊິກສະພາທ້ອງຖິ່ນ ທີ່ເປັນຕົວແທນແຫ່ງ ສິດ ແລະ ຜົນປະໂຫຍດ ອັນຊອບທຳ ໃຫ້ແກ່ປະຊາຊົນລາວບັນດາເຜົ່າ.

E2-2ນອກຈາກນີ້ ທ່ານ ສີສະຫວາດ ແກ້ວບຸນພັນ ໄດ້ເນັ້ນໃຫ້ຄະນະນຳແຂວງຈຳປາສັກ ເອົາໃຈໃສ່ໃນການແກ້ ໄຂຄວາມທຸກຍາກ ຂອງຄອບຄົວທີ່ຍັງເຫຼືອໃຫ້ໝົດໄປ, ເອົາໃຈໃສ່ການແກ້ໄຂ ບັນດາປະກົດການຫຍໍ້ທໍ້ ທີ່ເກີດຂຶ້ນພາຍໃນສັງຄົມ. ພ້ອມນີ້ ເອົາໃຈໃສ່ເປັນພິເສດ ໃນການເຕົ້າໂຮມຄວາມສາມັກຄີປະຊາຊົນບັນ ດາເຜົ່າພາຍໃນແຂວງ ໃຫ້ມີຄວາມແໜ້ນແຟ້ນ ເພື່ອພ້ອມກັນສ້າງສາພັດທະນາປະເທດຊາດ ກໍຄືແຂວງໃຫ້ມີຄວາມຈະເລີນ.

 

ແຫລ່ງຂ່າວ:

ປຊຊ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...