ໃນວັນທີ 24 ເມສາ 2016 ທີ່ຜ່ານມາ, ບັນດານັກສຶກສາລາວຢູ່ມະຫາວິທະຍາໄລວິທະຍາສາດ ແລະ ເຕັກໂນໂລຊີປັກກິງ ສປ ຈີນ ຮ່ວມກັບນັກສຶກສາກວ່າ 30 ປະເທດຈັດກິດຈະກຳແລກປ່ຽນວັດທະນະທຳປີ 2016 ເຊິ່ງກິດຈະກໍາດັ່ງກ່າວແມ່ນຈັດຂຶ້ນທຸກໆປີເພື່ອສົ່ງເສີມສາຍພົວພັນຮ່ວມມື ແລະ ຮັດແໜ້ນຄວາມສາມັກຄີຮັກແພງມິດຕະພາບລະຫວ່າງປະເທດຕ່າງໆໃຫ້ຮູ້ວັດທະນະທໍາ ຮີດຄອງປະເພນີອັນດີງາມຂອງຊາດເຮົາໂດຍຜ່ານຈິດຈະກໍານີ້.
ງານດັ່ງກ່າວໄດ້ມີການວາງສະແດງຜະລິດຕະພັນອາຫານລາວ, ເຄື່ອງຫັດຖະກໍາ, ສະແດງສິລະປະ ແລະ ອື່ນໆທີ່ກ່ຽວຂ້ອງກັບເອກະລັກທີ່ເປັນມູນເຊື້ອຂອງປະຊາຊົນລາວບັນດາເຜົ່າເປັນຕົ້ນການນຸ່ງຖື, ຟ້ອນ, ການຮ້ອງເພັງ ແລະ ການສະແດງອອກຕ່າງໆ.

ຂ່າວຈາກ: ສຳນັກຂ່າວສານປະເທດລາວ