ໃນວັນທີ 25 ມີນາ 2016 ທີ່ຜ່ານມາ ສູນການແພດຟື້ນຟູໜ້າທີ່ການ ໄດ້ຈັດຕັ້ງພິທີມອບ-ຮັບອຸປະກອນການແພດ ແລະ ການກວດສຸຂະພາບໂດຍບໍ່ເສຍຄ່າ ໃຫ້ໂຮງໝໍສູນເສຍອົງຄະພິເສດ 790 ແລະ ໂຮງໝໍສູນເສຍອົງຄະຂຸດສາມບາດ 489, ເພື່ອລະນຶກວັນນັກຮົບເສຍອົງຄະ ແລະ ຜູ້ເສຍຊີວິດເພື່ອຊາດ ຄົບຮອບ 70 ປີ ( 21 ມີນາ 1946 – 21 ມີນາ 2016 ) ທີ່ສູນເສຍອົງຄະພິເສດ 790 ໃຫ້ກຽດເປັນປະທານຄັ້ງນີ້ໂດຍທ່ານ ຄຳພອນ ພຸດທະວົງ ເລຂາຄະນະພັກກະຊວງ, ຜູ້ຮັກສາການລັດຖະມົນຕີວ່າການກະຊວງສາທາລະນະສຸກ, ທ່ານ ດຣ. ຄຳເພັດ ມະນີວົງ ຮອງເລຂາຄະນະພັກກະຊວງ, ຫົວໜ້າສູນການແພດຟື້ນຟູໜ້າທີ່ການ, ທ່ານ ຄຳຂານ ຄະນະປະຈຳພັກກະຊວງ, ຫົວໜ້າຫ້ອງການກະຊວງແຮງງານ ແລະ ສະຫວັດດີການສັງຄົມ, ທ່ານ ຫົວໜ້າສູນເສຍອົງຄະພິເສດ 790 ແລະ ທ່ານ ຫົວໜ້າສູນເສຍອົງຄະຂຸດສາມບາດ489 ເຂົ້າຮ່ວມພິທີໃນຄັ້ງນີ້ມີທ່ານ ຄ່ຽມ ໄຊສົງຄາມ ນັກຮົບແຂ່ງຂັນ, ອະດີດຫົວໜ້າສູນການແພດຟື້ນຟູໜ້າທີ່ການ, ທ່ານ ນ. ແພງພອນ ຂັນທະບົງທອງ ວິລະຊົນແຫ່ງຊາດ ກໍໃຫ້ກຽດເຂົ້າຮ່ວມພິທີ່ດັ່ງກ່າວ ນອກຈາກນັ້ນຍັງມີ ຫົວໜ້າພະແນກ, ຮອງພະແນກອ້ອມຂ້າງສູນການແພດຟື້ນຟູໜ້າທີ່ການ, ຄະນະພັກ, ອຳນາດການປົກຄອງ ພ້ອມດ້ວຍຜູ້ອາວຸໂສຂອງສູນເສຍອົງຄະພິເສດ 790 ແລະ ສູນ 489 ຂຸດສາມບາດ ກໍ່ໄດ້ເຂົ້າຮ່ວມ;
ອຸປະກອນທີ່ນຳມາມອບໃນຄັ້ງນີ້ມີ ເຄື່ອງເອໂກ 4 ມິຕິ 01 ເຄື່ອງ (ໃຫ້ສະເພາະສູນເສຍອົງຄະພິເສດ 790) , ເຄື່ອງວິເຄາະ 02 ເຄື່ອງ(ສູນລະເຄື່ອງ), Diagnostic set 02 ຊຸດ(ສູນລະຊຸດ), Curettage set 02 ຊຸດ(ສູນລະຊຸດ), Electric Steam Sterilizer 02 ເຄື່ອງ(ສູນລະເຄື່ອງ), Examination Lamp 02 ໜ່ວຍ(ສູນລະໜ່ວຍ), Delivery Set 02 ຊຸດ(ສູນລະຊຸດ), Bed labor and delivery 02 ຊຸດ(ສູນລະຊຸດ), Weight and height scale for adult 02 ໜ່ວຍ(ສູນລະໜ່ວຍ), Fetal Doppler 02 ຊຸດ(ສູນລະຊຸດ) ເຄື່ອງທີ່ນຳມາມອບໃນຄັ້ງນີ້ ລວມມູນຄ່າທັງໝົດ 671,400,000 ກີບ (ຫົກຮ້ອຍເຈັດສິບເອັດລ້ານສີ່ແສນກີບ) ການມອບໃນຄັ້ງນີ້ ແມ່ນແນ່ໃສເພື່ອປັບປຸງການບໍລິການຂອງໂຮງໝໍ ເພື່ອຍົກສູງຄຸນນະພາບ ແນ່ໃສໃຫ້ການບໍລິການ ຮັບໃຊ້ຄົນເຈັບພິການ ແລະ ເສຍອົງຄະໄດ້ດີຂຶ້ນ. ໃນເບື້ອງຕົ້ນ ສູນການແພດຟື້ນຟູໜ້າທີ່ການຈະໄດ້ແຕ່ງຕັ້ງ ພະນັກງານ ແພດຊ່ຽວຊານມາປະຈຳການ ເປັນແຕ່ລະໄລຍະ ໄປຄຽງຄູ່ກັບການກໍ່ສ້າງພະນັກງານ ແພດຊ່ຽວຊານ ໃຫ້ໂຮງໝໍນ້ອຍສອງແຫ່ງນີ້ໃນອະນາຄົດ
ນອກຈາກມອບຮັບອຸປະກອນການແພດແລ້ວ ຍັງມີການກວດສຸຂະພາບ ໃຫ້ກັບຄົນເຈັບ-ຄົນພິການ ໂດຍບໍເສຍຄ່າ ໂດຍມີທິມງານກວດສຸກຂະພາບຈາກສູນການແພດຟື້ນຟູໜ້າທີ່ການ ການກວດສຸຂະພາບຄັ້ງນີ້ມີຄົນເຈັບເຂົ້າກວດທັງໝົດ 145 ຄົນ
ຂ່າວຈາກ: ສູນການແພດຟື້ນຟູ ຫນ້າທິການ